龍和道200個示威者尋日凌晨包圍三個警察呢條片勁瘋傳，當時就係因為紫色衫既呢個示威者掟左個兩公升水樽出馬路，中咗部私家車，三個警察即刻拉咗呢個男人，嗱嗱嗱，睇下喇！係示威者迫到埋身先架……

不過同一單新聞，唔同既傳媒就有唔同演繹喎，嘩，生菓報居然話「警員喪打記者」？咦，睇下呢幅相，仲以為個差人打中個記者添？唔係喎，呢個明明係差人，下面嗰個就係掟樽既示威者吖嘛；曾經公信力第一果份，就出左張齋用胡椒噴霧既相，都幾嚇人架！

另外兩份似乎比較為忠於原片，呢份影到支警棍扑中自己友添，講到警員力敵200人，話有個督察講唔係人多聲大就可以無王管；呢份標題話二百人兇差人想「搶犯」呀；有網友有感而發，即時SEND左呢張圖出來，話傳媒就係咁運作既，真係眼看未為真，呢啲係咪叫各取所需，睇番條片，大家心照啦！

足本影片，請看《INT News Channel》：http://youtu.be/GzTZKCaFXAU