一講到議席 攬炒派真肉酸!
一講到議席 攬炒派真肉酸!

特區政府喺疫情嚴峻之下,決定押後立法會選舉一年,隨之而來嘅「真空期」如何解決?係原班人馬再宣誓留任?抑或委任新議員或者其他辦法?要等人大常委會拍板。日前政圈盛傳22位泛民議員在考慮「總辭」的問題,不過時隔冇耐,又似乎「風向有變」——究竟係喺人大決定前「先發制人」,定係「謀定而後動」,一班攬炒派依家好躊躇。對於呢樣嘢,坊間有好多解讀,如果問廣男,講真,廣男就睇得比較簡單啲,就係無論班友講到幾天花龍鳳,意思其實得一個:睇定啲先!唔好貿貿然冇咗份工、冇咗份高薪厚祿。

總辭?定睇定啲先?

大家可以先睇下佢哋點講。例如議會陣線嘅毛孟靜就話,如果真空期會議係現屆嘅延伸,「民主派仍有否決權,可奉陪到底」;民主黨嘅許智峯就話要考慮好多嘢,譬如方案係咪合法、有冇抗爭空間、「主流民意」係點,「有人提議總辭,亦有市民希望民主派寸土必爭」,係咪要「守住關鍵少數」;同樣係民主黨嘅林卓廷仲過癮,話要睇下阿爺條「DQ紅線」劃到去邊,成個民主黨再商議係「齊上齊落」,抑或「有啲走、有啲留」。咁真係好笑啦,即係話,如果林卓廷繼續「有得玩」,點都唔好自己拱手讓咗個位先?!

驟眼睇,你會覺得攬炒派對於「去留問題」有好多唔同意見,但諗深一層,其實佢哋有個好大嘅共通點,就係冇一個人「夠薑」宣布自己「老子不玩了」,呢啲,咪就叫各懷鬼胎囉!其實個個都想保住自己議席,依家講咁多,都係藉口!

兩難抉擇?定難棄高薪厚祿?

就好似毛孟靜所講嘅「仍有否決權」又好,許智峯所謂嘅「守住關鍵少數」又好,如果廣男冇記錯,當初攬炒派有政客(如李柱銘)都曾經講過,當年23條立法過唔到,只不過係政府、建制「唔搞啫」,言下之意,政府、建制「只要想」,就一定「夠票」,咁廣男請問下,套用呢種說法,如果唔計政改呢啲重要議案,攬炒派今時今日仲有咩「否決權」?成日批評人哋「搬龍門」嘅攬炒派,依家自己都「搬」?睇邊條啱用就用攞邊條?!

所以廣男話,佢哋內心,其實都想保住自己個位;抉擇咁艱難,係因為佢哋好明白,選擇,就意味住放棄,就可能意味住冇咗120萬嘅年薪、冇咗70萬嘅約滿酬金…其實講到尾,又係議席問題、資源問題。大家睇下民主黨嘅鄺俊宇,搞攬炒其他人,可以搞到自己買千萬元豪宅,咁嘅「奮鬥目標」,你話幾吸引呢?!攬炒派會「總辭」,你信唔信?

之不過,如果佢哋有得留低,大家又要諗下,會係咩後果?廣男直接啲講,咪又係搞攬炒搞破壞,否決各種撥款、議案囉。香港有呢班政客,冇可能點會有好日子過!

好心佢哋攞啲骨氣出嚟啦,唔好呢頭不斷批評押後選舉,甚至人話唔符合《基本法》,果頭又要用留守議會、用「行動」支持政府決定,真肉酸!

請Follow我們的YouTube頻道:

https://bit.ly/2kgU8qg

 
下載我們的手機應用程式,收看第一手精彩內容:

https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

15
嬲爆
5
唔係呀哇
15
好好笑

評論