《生果報》的99%民調
《生果報》的99%民調

作為半個「社會科學人」,廣男平時睇新聞,好鍾意留意下啲民意調查,除咗睇結果之外,又會特別留意啲做調查嘅人點樣「抽樣」;日前,廣男睇到《生果報》近日一個《99%指司法獨立已死 進入一國一制》嘅「問卷結果」,當堂嚇咗一跳,但睇真啲呢,個呢個「99%人話司法獨立已死」、「香港進入一國一制」嘅調查(內容還包括「國安法生效後近七成人曾作自我審查」),受訪人數原來得212人,呢啲人係「民主派支持者」,而且個調查係記者喺「民主派初選」當日喺票站外做嘅,嘩,呢啲所謂「問卷調查」,真係睇到人嘆為觀止!

 

為何不是100%?

 

對於呢個喺「民主派初選」票站外訪問返「民主派支持者」嘅調查,廣男第一個諗到嘅問題,就係《生果報》問嘅係會去「初選」投票嘅攬炒派支持者,點解唔係100%話司法獨立已死、香港進入一國一制嘅?剩返嗰1%,到底係咩人?《生果報》記者係咪做唔到嘢,令到個調查有1%「漏網之魚」?如果係要問責喎!

 

老實講,呢個所謂「調查」,《生果報》稱佢為問卷調查,廣男就覺得完全係「做新聞」;《生果報》「做新聞」,大家都司空見慣,但用新聞、問卷調查包裝到懶係民調咁款,其實極度有誤導成分,或者《生果報》係諗唔到做乜好,所以就有人出咗條「好橋」,叫記者去「初選」票站外做「調查」。

 

「肉酸」的新聞

 

所以呢,呢個所謂「問卷調查」,只能夠講係「零參考價值」,如果《生果報》走入民主黨總部做「問卷調查」,可能都會得出90%市民支持「民主派」支持者全部票投溫和攬炒派、唔投票俾抗爭派;其實,要抹黑「港區國安法」、指「司法獨立已死」,呢個係《生果報》嘅「硬任務」,但廣男建議《生果報》「做新聞」,唔好做得咁肉酸啦!

 

近年,唔少人都質疑唔同機構做嘅調查唔可信,廣男認為其實如果抽樣方式、抽樣數目以至問題設定等都適當,問卷調查絕對能夠反映到一定嘅民意;但如果個個好似《生果報》咁做「問卷調查」,然後得出「99%人XXX」嘅結果,咁外界對唔同機構嘅調查無信心,又真係唔係無理由。 


圖片來源:RTHK


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk


9
嬲爆
0
超無奈
2
無意見

評論