因為要選舉、奪權，攬炒派近日不斷攻訐特區政府押後立法會選舉，佢哋嚟嚟去去，就係話有啲國家都繼續選舉，香港「一樣可以」。囍雨近日睇新聞，又見到公民黨主席梁家傑、立法會議員朱凱廸等人以政府「怕選舉失利」、「怕輸」等理由攻訐政府；對於呢啲只顧政治而無視市民健康嘅藉口，囍雨又係果一句，如果因為選舉投票、選舉活動而出現大規模嘅疫情爆發，係咪攬炒派一力承擔先？
無理的攻訐 赤裸的自利
綜觀攬炒派攻訐政府押後選舉的理由，簡單一句，就係聲稱政府、建制派「怕輸」，但囍雨要問一句，押後選舉嘅問題，到底係一個關乎市民健康嘅問題，定係關乎「誰勝誰敗」呢？如果係前者，咁特區政府決定押後選舉幾乎係唯一選擇；如果係後者，咁緊張輸贏、議席嘅，點睇都似係攬炒派多啲喎！
值得一提嘅係，梁家傑日前喺電台發表「偉論」嘅時候，非常強調全球最少有41個國家或地區根據原本嘅時間表進行大選或公投；但囍雨想問一句，點解全球至少有68個國家或地區因疫情而延遲選舉，又唔見梁家傑提起？係咪佢怕話俾人聽延期選舉係世界趨勢，不利於攬炒派炒作有關問題，甚至不利於攬炒派嘅「35+」奪權大計？
新加坡就最佳反例
根據梁家傑嘅說法，如期進行大選嘅例子有南韓同新加坡，咁囍雨又要商榷一下，新加坡的確係有如期大選，但大選之後新加坡確診個案急增，梁家傑又知唔知呢？例如，新加坡大選前一個星期共錄得1,112宗新冠肺炎個案，而大選後一個星期，就新增咗1,841宗個案，新增個案對比起選前一星期，多咗65%；到大選後嘅第二個星期，新增個案更高見1,922宗，比起選前一星期嘅新增個案，更加係上升咗近73%。梁家傑話俾人聽新加坡「如期選舉」，但點解梁家傑又唔話俾人聽，新加坡選完之後感染個案上升呢？佢係唔知，定扮唔知？
面對疫情，我哋所講嘅係人命、市民健康，但囍雨橫睇掂睇，攬炒派都係講政治、講選舉。呢種政治先於一切嘅做法，其實極度符合攬炒派個性，因為喺過去一年多時間，佢哋縱暴、煽暴，借香港年輕人嘅「血」嚟為區議會選舉「鋪路」，食盡人血饅頭，同佢哋今日不顧人命、堅持要選舉，都係相同道理，總知奪權最重要！
原圖：RTHK
請Follow我們的YouTube頻道：
下載我們的手機應用程式，收看第一手精彩內容：
瀏覽我們的IG：https://www.instagram.com/speakout_hk/?hl=zh-hk
評論