出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
外國可以押後選舉 點解香港唔可以?
外國可以押後選舉 點解香港唔可以?

有人話,香港從來都無外國勢力介入香港事務,不過,我哋總會見到香港嘅攬炒派政客走去外國「打報告」,然後外國又會大力支持香港嘅社運,甚至連暴亂都話係「美麗風景線」,直至近日,囍雨睇新聞仲見到,外國勢力諸如美國、澳洲、英國以至歐盟,連香港嘅立法會選舉日期都關注埋,甚至想香港如期選舉。囍雨就喺度諗,呢啲西方勢力自己都因為疫情而將唔同選舉延期,做乜又好似想反對香港選舉延期咁得意呢?

英國大量理由推遲選舉


據傳媒報道,美國國務卿蓬佩奧同澳洲外長佩恩,就發表聯合聲明表支持香港九月立法會選舉,外媒形容為兩人是促請「如期進行選舉」;而英國外相藍韜文亦發聲明指「英國將密切關注香港9月立法會選舉」,甚至連歐盟都話會「密切跟進香港在9月6日立法會選舉前的政治形勢」。綜觀呢啲外國嘅回應,尤其係美國、澳洲,可能佢哋都偏向支持如期選舉喎。

但問題就嚟喇,喺疫情下延遲選舉,近乎係「國際標準」,美國有初選等延期,澳洲有地區選舉押後,英國一樣有。以英國為例,地區選舉同倫敦市長等市長選舉都因為疫情而押後一年,佢哋嘅選舉委員會仲講到明推遲選舉通常係唔可取,不過,當地正在面對前所未見嘅局面;另一英國政府代表,直頭話英國需要選舉,但如果唔夠保證安全、準確,最好都係推遲選舉,而且政府必須及早果斷地採取行動。香港嘅一套制度,好多都沿襲自英國,英國依家連自己嘅重要選舉都延期,點解香港又唔可以呢?

看看新加坡例子 投票後疫情即惡化


講開選舉,最近就有媒體報道同評論指出,攬炒派成日舉出嘅新加坡例子「好有問題」,事關新加坡大選前一個星期,有1,112宗新冠肺炎個案,選後一個星期共錄得1,841宗,與選前一星期新增個案總數對比,增加咗65%;到選後第二個星期又多咗1,922宗新增確診個案,對比選前嘅新增個案,上升咗近73%;累積個案喺兩星期內增加近3,800宗,去到7月25日更錄得單日513宗,為7月單日最高。呢啲數據話俾大家聽,如果疫情未控制好就如期選舉,後果可以好嚴重。

喺新冠肺炎肆虐全球嘅情況下,延遲會引來人群聚集、增加播毒風險嘅選舉活動,為嘅都係市民嘅生命健康。囍雨請外國政要、政客唔好因為要打擊中國,連香港嘅選舉日期都干涉喇!都係果句,人命要優先,政治放一邊!

原圖:政府新聞處

請Follow我們的YouTube頻道:

https://bit.ly/2kgU8qg

 
下載我們的手機應用程式,收看第一手精彩內容:

https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

9
嬲爆
1
唔係呀哇
0
驚訝

評論