聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
胡志偉做「一日英雄」?
胡志偉做「一日英雄」?
喺一套港產片入面,有一句經典對白係講「我寧願做一日英雄,都唔想做一世烏蠅」,有啲人或者會覺得,寧願自己逞一時英雄,都唔要「縮一世」;喺政治世界,當然亦有唔少政客係想做「一日英雄」啦,好似民主黨主席、九龍東立法會議員胡志偉咁,佢最近無論係Facebook宣傳相,定還是喺街頭上嘅宣傳車,都有一張佢喺示威現場嘅大相、配上「我要見指揮官」嘅字眼,咦咦,胡先生好似成個抗爭派咁款喎,不過,呢一年多以嚟,廣男就係見過佢做過一次「咁多囉」!

要見指揮官?


對於胡志偉呢種「勇武宣傳品」,廣男記憶所及,就係舊年6月12日,即係黑暴運動第一次有大型衝突嘅時候,胡志偉「冒住」現場有催淚彈氣味,都喺示威現場大叫「我要見指揮官!」、「Who is the commander?」;包裝到自己成個抗爭派、勇武派咁,但廣男想問下,自從果次之後,胡志偉喺示威現場出現過幾多?點解近幾個月幾乎都唔見佢?「勇武」一兩次,或者鬧警察一兩次就係自己宣傳賣點?咁抗爭派不如搵啲「前線巴」出嚟選,咁咪仲勇武。

對於胡志偉要sell自己做過「一日英雄」,廣男都唔知係可悲定係可笑,堂堂一個攬炒派大黨嘅主席,走咗廿幾年「和理非」路線,臨老先嚟扮抗爭派。再者,廣男絕對唔覺得啲抗爭派支持者會俾胡志偉呃到,講真,如果胡志偉係抗爭派,點會咁少出現喺街頭?唯一解釋,係胡志偉為選舉,喺度「扮晒嘢」囉!胡志偉可能想扮「一日英雄」,但小心英雄扮唔到,人哋繼續以為佢係「一世烏蠅」呢。

被抗爭派牽著走

諗下諗下,見到胡志偉要咁樣宣傳,其實都令人幾「唏噓」,胡志偉喺過去幾年嘅議會生涯,係咪唯一亮點就係喺街頭講一句「我要見指揮官」呢?如是這般的話,胡志偉任內,到底做過啲咩實事?成個民主黨包括胡志偉,近年完全被激進派、抗爭派牽著鼻子走,咁落去,民主黨仲係咪民主黨?

爭啲唔記得講,喺胡志偉嘅宣傳品上,仲有一句「逆權之戰,退無死所」,喺一場「逆權之戰」,一個政客剩係出嚟「手指指兩下」就以為自己好威?好心胡志偉,唔好喺度搞笑啦!其實胡志偉咁樣博出位,一定做唔到「英雄」,只會一世做「烏蠅」!

胡志偉參選立法會九龍東選舉,其他參選人包括工聯會鄧家彪名單、民建聯黎榮浩名單、黃之鋒、人民力量譚得志、公民黨譚文豪、謝偉俊、李嘉達、梁凱晴。

原圖:胡志偉Facebook

請Follow我們的YouTube頻道:

https://bit.ly/2kgU8qg


 
下載我們的手機應用程式,收看第一手精彩內容:

https://www.speakout.hk/app



瀏覽我們的IG:https://www.instagram.com/speakout_hk/?hl=zh-hk
18
嬲爆
6
超無奈
1
無意見

評論

  • 梁特頭號粉絲
    梁特頭號粉絲
    1週前
    0 回應
    胡志偉懶係野咁

    沒有更多評論

    沒有更多評論