做反對派難唔難？有冇咩技巧？廣男就覺得，呢個係兩睇嘅問題，作為反對派或者攬炒派，只要凡事都反對、或掉轉嚟講就得，唔難；但換個角度，將反對嘅嘢講到「合情合理」咁，又唔容易喎，好似《生果報》專欄作家李怡咁，今日佢就有篇文意指訂立咗「港區國安法」嘅中央「知衰」同「縮」，仲舉咗一啲例子；廣男真心想問下，到底依家係邊個縮呀？唔好將啲嘢掉轉嚟講就當係喎！
中央「知衰」、「縮沙」？
為免有咩誤會，廣男先喺度原文節錄李怡文章嘅部分內文：
DQ策略看來放下了。國安法除了剛出台那一天有點雷厲風行之勢，接下來也很少再祭出來執法。中港共儘管仍然嘴硬，但不能不說有點「知衰」。不使用DQ策略，硬選可能大敗。怎麼辦？藉口疫情來延期選舉，會是對策。
不過，天下圍攻之勢已經漸漸形成，「縮沙」太遲了。7月21日蓬佩奧在倫敦約見了羅冠聰，他說了甚麼儘管羅沒有引述，但羅跟他說，DQ候選人資格或取消選舉，都嚴重挑戰民主價值，呼籲國際社會採取強硬立場回應。因此，延期選舉，美國的制裁也不會延期。
對於李怡呢種似係「中央怕了、縮了」嘅講法，廣男首先想講「縮」嘅好似係攬炒派多啲喎。「港區國安法」立法，攬炒派「強」如前政務司司長陳方安生，即刻宣布「收山」；頻頻搞事如戴耀廷，表示要減少「民主派初選」工作、專注學術；後生一輩如羅冠聰，即頭搭飛機去咗英國搞所謂國際戰線。講到「縮」，有邊個比得上攬炒派呢？
至於中央「縮沙」嘅講法，廣男想指出，第一「港區國安法」繼續生效，無變過；第二今日外交部已表示中方將考慮不承認BNO；第三，廣男執筆之時，就睇到中方通知美方關閉美國駐成都總領事館嘅消息。從以上事件或事例，廣男唔認為中央係縮，而係採取緊反制措施先真！
李怡可以身試法？
如果講到中央「縮」、「港區國安法」少執法，李怡與其派「定心丸」俾抗爭者，其實佢自己可以試下「以身試法」呢；不過，廣男相信李怡一定唔會咁做，攬炒派嘅「文膽」，一定係玩「精人出口，笨人出手」呢套，如果有人相信李怡覺得中央「縮」而繼續出嚟抗爭，結果大概只有一個，就係「送頭」被捕！
原圖：RTHK
請Follow我們的YouTube頻道：
下載我們的手機應用程式，收看第一手精彩內容：
瀏覽我們的IG：https://www.instagram.com/speakout_hk/?hl=zh-hk
評論