聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
攬炒派的「抗爭新模式」?
攬炒派的「抗爭新模式」?

《港區國安法》終於正式實施,廣男仲記得七一之前,成班攬炒派政客成日叫人上街示威,仲講到要「抗爭到底」咁話,但係當日呢班政客又做咗啲咩呢?化身「衝衝子」上前線?繼續拎住大聲公阻警執法?廣男又好似真係見唔到,不過就睇見民主黨周圍擺街站籌款,就連之前係威係勢嘅《壹傳媒》老闆黎智英,都淨係企係街站幫手「站台」。廣男有一個疑問,攬炒派政客最驚嘅《港區國安法》終於嚟到,佢哋唔係要「抗爭」咩?依家企定定籌錢「掠水」,就當係嫁啦?


黎智英的特別「抗爭」方式


廣男喺度想特別講吓黎智英。有報道就話,佢七一當日出現咗喺銅鑼灣一個街站個幾鐘,之後就轉場去咗高級酒店食Lunch,咦?黎智英唔係叫人去「抗爭」嫁咩?酒店食Lunch咁開心?客觀啲咁講,黎智英都的確係有「積極參與」嘅,不過,就係得籌款囉。咁樣嘅「抗爭」模式,又好似真係幾舒服喎!仲有,黎智英日前接受外國媒體採訪,就話《港區國安法》實施之後,自己都「唔會走」(但屋企人就可能會走),廣男建議大家問下佢,究竟係「唔會走」?定係「走唔到」啊?之前三番五次走去更改保釋條件申請離境,最終都係被法官拒絕!唔想走?算吧啦?好矛盾喎!


攬炒派政客在何處?


再講其他攬炒派,廣男喺度諗,唔知係咪因為七月一日當然天氣太炎熱呢,嗰班拍晒心口話要嚟出抗爭嘅政客,點解都唔見人嘅?大家可以幫廣男一齊數下,例如許智峯、岑子杰、黃之鋒…等等,又好似真係唔多見呢啲攬炒派「象徵人物」有走上街頭、同啲「手足」一齊抗爭喎!係咪真係怕咗《國安法》、知道要自保呢?之不過咁,呢班政客識得自保,點解又唔見佢哋叫其他人收手,反而不斷煽動人上街呢?廣男就覺得,真係可憐咗一班「送頭」嘅傻仔,聽咗政客「老點」,自己就被拉、被拘捕,成為犧牲品,但係「精」嘅政客就繼續籌錢、「掠水」,對唔對住班「手足」啊?


不過講開又講,「手足」真係唔羨慕得更多啦,好多攬炒派政客,例如黃之鋒、羅冠聰之流,人哋有外國加持嘅「金身」,就算日後有咩事,極可能都有大把後路、有外國勢力「關照」,但係一眾「手足」就唔係咁講法喇。值唔值、抵唔抵、係咪繼續信政客?其實唔係咩好難嘅問題啊;又或者咁諗,如果萬一自己繼續搞事,被捕被起訴,果班有「金身護體」嘅政客,又會唔會幫你轉頭啊?


圖片來源:文匯報


請Follow我們的YouTube頻道:

https://bit.ly/2kgU8qg


下載我們的手機應用程式,收看第一手精彩內容:

https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

13
超無奈

評論