出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
國安法就是要辣!
國安法就是要辣!

《港區國安法》條文日前正式公布並實施,66條法例,白紙黑字寫明針對嘅罪行,以及量刑定罪,為香港維護國家安全揭開新一頁。條文一出,香港攬炒派又即時「炸開鍋」,指摘法律「好辣」,囍雨心諗,真係好笑喇,維護國家安全咁重要、咁嚴肅嘅事情,可以點「溫柔」法?辣,就對了!唔係同你「請客食飯」玩妥協!

 

噚日,民主派會議召集人陳淑莊同一班攬炒派立法會議員出嚟開記招,逐個輪住同大家講,喺佢哋口中唔知「死」過幾多次嘅「一國兩制」,依家又「正式死」一次。陳淑莊就話《國安法》辣到「超乎佢想象」;會計界代表梁繼昌又話「影響香港營商環境」,涂謹申演繹得仲離譜,「專制獨裁、強行打壓、隨時送中」…又係一套歪理販賣恐懼。

 

黑暴、港獨 哪一樣不「超乎想象」!

 

囍雨越聽,越義憤難平,請問這些攬炒派政客,過去一年,黑暴,港獨,分裂國家,殺人放火,恐襲公路鐵路,將校園變武器庫、兵工廠,周街私了唔同政見嘅市民…香港所經歷嘅咁多嘢,有邊樣係唔超乎港人想象?黑暴攬炒勢力仲有乜過分嘢做唔物出,依家居然仲好意思話阿爺立法「太辣」?!

 

囍雨好想大家明白一點,中央定一條維護國家安全嘅法律,根本目的,唔係為咗要對奉公守法嘅香港人「刑與罰」,係要等所有人知道,有啲大是大非、有啲底線,絕對唔可以踰越。或者大家回想一下,由違法佔領開始,到旺角暴動,再到舊年反修例運動,如果冇人搞奪權搞港獨破壞國家安全,如果冇人勾結外力分裂國家、冇人攬炒派議會癱瘓政府、冇黑衣暴徒殘害市民,囍雨相信,今時今日,呢條《國安法》都未必需要出台。睇嚟,今日呢個「果」,真係都要多得攬炒派有份種下嘅「因」。

 

奉公守法的市民但求安居、樂業

 

作為香港小市民,要求其實好簡單,講到生活環境又好、營商環境又好,大部分人但求兩樣嘢:一係安居、一係樂業。囍雨又要反問下呢班攬炒派政客,過去一年甚至幾年,有人搞到香港「立立亂」,市民冇得安居冇得樂業,你哋又有冇出過一句聲、講過一句「唔好、收手」?!

 

既然有人要搗亂,就唔好怪阿爺出手狠;既然苦口婆心相勸咗23年、好話醜話講到盡都聽唔入耳,就唔好怪今日呢條法律「太辣」。治亂世,本來就應該用重典!唔信?去參照下英美國家標準,又睇下點!


請Follow我們的YouTube頻道:

https://bit.ly/2kgU8qg


下載我們的手機應用程式,收看第一手精彩內容:

https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

10
嬲爆
0
超無奈
1
無意見

評論