出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
勾結外力 就是有罪
勾結外力 就是有罪

全國人大常委會會議加入審議「港區國安法」嘅議程,第四類犯罪行為由之前全國人大代表決定嘅「外國和境外勢力干預香港特別行政區事務的活動」變成「勾結外國或者境外勢力危害國家安全」,資深大律師、行政會議成員湯家驊認為由「外部干預」變為「勾結」,矛頭轉向香港境內人士、機構,香港眾志秘書長黃之鋒就聲稱「港區國安法」針對香港抗爭者。囍雨想講,「港區國安法」立法要保障到國家安全、統一,就係要針對攬炒派政客,尤其是搞「港獨」、叫外國制裁香港同中央嘅政客,例如黃之鋒,勾結外力,就是有罪!


勾結不同於交流


黃之鋒稱「港區國安法」係「以言入罪」,又稱區議員都會用公帑到外國交流,立法會亦有海外議會聯絡小組,「偏偏民主派就唔做得」,強調香港眾志會繼續爭取國際社會反對「港區國安法」。囍雨實在好奇,到外國交流,係咪包括叫外國搞中國、搞香港呢?黃之鋒唔好喺度混淆視聽啦!


區議員、立法會議員會同外國交流,係事實,但交流、聯絡,同部分攬炒派政客叫外國「制裁」中央、香港係兩回事。以黃之鋒同香港眾志為例,佢哋呼籲美國國會通過《香港人權與民主法案》,講到明要求外國「制裁」中央同香港官員,甚至稱連官員嘅家人都要「制裁」,咁係唔係交流?囍雨就覺得,呢啲擺明係勾結外力,叫人搞自己嘅國家、特區,黃之鋒講到「港區國安法」唔容許自己以至攬炒派「唔可以同外國交流」咁款,好明顯係連自己嘅賣國行為都唔敢承認。


一般人不受影響


依家雖然未有「港區國安法」嘅條文,但由傳媒消息可見,「港區國安法」所針對嘅係分裂國家、顛覆國家政權、恐怖活動、勾結外國或者境外勢力危害國家安全等四類犯罪行為,根本就影響唔到一般市民;「港區國安法」所針對嘅,明顯係想「越軌」嘅攬炒派政客,囍雨喺度諗,如果「港區國安法」通過,而且涉及外交,可能要由中央審理,一直要求外國搞中國、香港,明言要打「國際戰線」嘅黃之鋒,罪嫌都相當重下,唔知黃之鋒會唔會口講繼續打「國際戰線」,實則就好似《生果報》黎智英咁,鋪路「遠走高飛」呢? 


圖片來源:佩洛西Facebook


請Follow我們的YouTube頻道:

https://bit.ly/2kgU8qg


下載我們的手機應用程式,收看第一手精彩內容:

https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

8
嬲爆
2
超無奈
1
無意見

評論

  • Ws Chau
    Ws Chau
    1月前
    0 回應
    曱甴暴徒🧟‍♀️🧟‍♂️金句:"只有暴力才能爭取訴求", 恭喜曱甴暴徒成功爭取國安法,黃C政棍👹😈曱甴暴徒蛇鼠一窩🐍🐁, 攬炒炒埋一碟, 同歸於盡🔥⚡️💥抵死, 恭喜恭喜😜🤩

    沒有更多評論

    沒有更多評論