出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
攬炒派未初選 先縮沙?
攬炒派未初選 先縮沙?


否決預算案?否決所有政府議案?曾經為「35+」計劃(要奪取立法會過半議席)叫陣叫到「殺聲震天」嘅攬炒派,日前見記者講佢哋嘅初選詳情,對於佢哋點樣玩初選,點樣協調出初選代表,囍雨覺得呢啲都唔係重點,重點係曾經講到明要「積極運用」否決權否決政府《財政預算案》嘅攬炒派,竟然轉口風話「不要求參與人士作出否決預算案等承諾或簽任何聲明」,佢哋嘅牽頭人戴耀廷就話唔會製造藉口等啲候選人比人DQ。一開頭搞初選、「35+」,唔係就係為咗攬炒議會咩?初選都未進行就「淆底」,攬炒派唔係驚成咁呀?


保住高薪厚祿最重要


對於攬炒派嘅「龜縮」,「縮」嘅程度令人咋舌,明明戴耀廷自己喺度推銷緊「攬炒十步」,呢個亦係佢哋當初走埋一齊透過「否決權」逼政府屈服嘅「武器」,依家連初選都未進行,成班攬炒派就因為「港區國安法」而「縮」,唔再提否決《財政預算案》及否決所有政府議案,如果你問囍雨,囍雨除咗講攬炒派真係無志氣之外,只能講句,「港區國安法」,真係好有震懾力!


老實講,選之前係一回事,如果選到之後又係另一回事,表面上,大家可以話攬炒派怕被DQ所以成個機制唔會再要人表態否決政府議案或《財政預算案》,但佢哋咁做嘅深層次原因,其實好可能係啲想參選嘅人,內心真正追求嘅唔係咩攬炒議會,而係立法會議員個頭銜,以及立法會議員所享有嘅高薪厚祿。勇武抗爭?口號嚟啫。


他們宣布了參選?要計經費的!


對於攬炒派咁高調搞初選,囍雨想喺度提提大家,當中可能仲牽涉到法律問題,參與得初選,即係講俾人聽自己打算參選啦,咁如果已經係變相宣布自己參選,咁參與初選嘅攬炒派人士,係咪應該開始計算選舉經費?而搞初選用嘅錢,又係咪會平均地攤分到每一個參與初選嘅人嘅選舉開支上面?喺呢方面,選管會或者選舉事務處應該跟進,唔好俾班攬炒派「側側膊」,宣傳又唔駛計選舉開支喎!


其實講到尾,攬炒唔攬炒,否決政府議案與否,都係幌子嚟嘅,對於攬炒派政客而言,最緊要都仲係要「永續議席」;就算俾佢哋選到入立法會,到時一樣可能「不作為」,仲會話俾人聽,「我唔可以咁抗爭,因為會俾人DQ㗎」,要支持佢哋入議會抗爭?都係諗真啲好! 


圖片來源:RTHK


請Follow我們的YouTube頻道:

https://bit.ly/2kgU8qg


下載我們的手機應用程式,收看第一手精彩內容:

https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

16
嬲爆
0
超無奈
1
無意見

評論