聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
葉建源及教協不要再閃避
葉建源及教協不要再閃避

新一屆立法會選舉就快到,攬炒派不同政黨、新舊人之間,掀起連場明爭暗鬥。除咗地區直選「爭崩頭」之外,攬炒派嘅「新鮮人」都睇唔過眼班舊政客,想喺功能組別分一杯羹,北區區議員蔣旻正就打算挑戰現任立法會議員葉建源,推翻教協咁多年呢個「當然席位」,於是邀請教協參加初選。但教協就推三推四,一時話時間緊逼、一時又話葉建源可以「守穩議席」,廣男睇落,教協以至葉建源似乎係想議席永續,唔肯俾後生仔「上位」喎!


大量問題 教協必須回應


嗱,如果真係咁,廣男就覺得,好多問題葉建源都要講清楚,冇得再閃縮迴避喇!例如教協以至葉建源係咪反對「港獨」?葉建源早前竟然話「唔讚成港獨」,而唔係「反對」!呢樣嘢,真係冇得再迴避,更加唔可以再好似以前咁,講啲模棱兩可、隨時卸膊嘅嘢;又例如,葉建源係咪真心擁護國家、效忠特區政府?不過話時話,廣男醒起,葉建源好似連《國歌法》都無投到票喎,咁又算係咩意思先?


仲有,教協同葉建源會唔會同黑暴「割席」先?如果日後又出現荼毒青年、學生嘅失德教師、問題教材,又係咪繼續包庇?仲要一個更重要嘅問題,依家「港區國安法」就嚟實行,中央講到明,特區以後要開展國家安全教育,所以又要請葉建源講下,如果第時又做咗立法會議員,諗住點樣推動國安教育先?上述問題,大家記得要求教協同葉建源都要正面回應,唔好再縮!更加唔好諗住支支吾吾又可以蒙混過關、保住高薪厚職?今時今日,冇呢支歌仔唱喇!


馮偉華:未必行得最前,但唔會脫隊!


廣男覺得,教協「死攬」葉建源都係意料中事,但最估佢唔到嘅係,教協會長馮偉華竟然「自爆」,話教協一直係「泛民」一員,「未必係行得最前,但唔會脫隊」。嘩!馮偉華終於講真心話啦!即係點?係咪等於承認,喺議會之外,就等班黑暴分子打餐飽,然後自己就盡享漁人之利;喺議會內,又等人班攬炒派同黨「行前啲」,自己就跟喺隊尾當表咗態?大家真係要睇清楚,呢啲就係香港教育界嘅政客,難怪香港教育有咁多問題喇!


圖片來源:RTHK


請Follow我們的YouTube頻道:

https://bit.ly/2kgU8qg


下載我們的手機應用程式,收看第一手精彩內容:

https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk


3
支持
10
好正
1
無意見

評論