出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
辱國葉建源 包庇考評局「去到盡」!
辱國葉建源 包庇考評局「去到盡」!

對於文憑試歷史科考卷問考生係咪同意日本喺1900-1945年間為中國帶來「利多於弊」嘅考題,嚴重傷害中國人民感情,明眼人都知道無論想點樣「引發思考」,都唔需要問呢啲問題;偏偏眼盲、心盲嘅教協,竟然不斷「出口術」扭曲事實包庇考評局,其中教協副會長、立法會教育界議員葉建源,竟然去信考評局,稱「試題本身沒有引導性,考評局不應該因爲外來壓力,而將過去的聲譽毀於一旦」。囍雨真係想講,呢個唔止係考題有冇引導性嘅問題,而係呢條考題,竟然問侵華、殺人、姦淫嘅日本,會唔會對中國「有利」,問題既關乎人性,亦關乎道德良知。

 

教育局匆忙斷定題目有問題?

 

葉建源作為攬炒派一分子,凡事都包庇「同路人」嘅政客,佢以至教協當然會「想盡方法」為考評局開脫啦,葉建源未有正面講述條問題嘅「問題」,而係要求考評局「要秉持專業、嚴守程序,亦要考慮給予擬題人員及審題小組解釋的機會,確保有詳盡討論過程及符合學理的解釋」,又指教育局未有諮詢學界,就匆忙斷定題目有問題、譴責考評局,並喺無討論嘅情況下要求廢除題目,做法粗暴,應該向公眾作出完整同合理嘅解釋。對於葉建源嘅種種質疑,大家首先要問一句,呢件事嘅是非黑白,係咪好難斷定,教育局唔可以咁快做決定呢?

 

要了解任何問題,必先了解問題嘅本質,葉建源稱「試題本身沒有引導性」,已經非常值得商榷,例如題目提供「對日本有利」嘅資料,又問考生係咪同意日本喺某段時期對中國帶來「利多於弊」,如果話題目無「引導性」,其他人未必相信;更重要嘅問題係,由1900八國聯軍入侵中國開始,直至1945年中國抗戰勝利,以千萬計嘅中國人因為日本侵華而犧牲性命,無數婦女被姦淫,呢段係中國人民嘅最大傷痛,如果仲要問日本係咪為中國帶來「利處」,無異於喺中國人民傷口上灑鹽,出呢條考題,本身就有好大問題! 

 

葉建源變質了

 

喺日前嘅一個電台節目上,有教育界人士透露葉建源喺1982年時,曾因為日本篡改史實而寫血書,相信葉建源當時覺得任何淡化侵華歷史嘅行為都要抗議,慨嘆葉建源已經改變咗,對民族大義反應亦唔同咗。囍雨就喺度諗,今次考評局就算無篡改史實,都予人淡化日本侵華惡行嘅觀感,到底葉建源係已經變咗質?定係佢無變過,但喺攬炒派政客同支持者嘅影響下,佢已經身不由己、要為虎作倀? 


原圖:rthk


請Follow我們的YouTube頻道:

https://bit.ly/2kgU8qg

 

下載我們的手機應用程式,收看第一手精彩內容:

https://www.speakout.hk/app

49
嬲爆
7
唔係呀哇
7
令人傷心

評論