出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
盲撐辱國考題 教協淪為國恥!
盲撐辱國考題 教協淪為國恥!

考評局喺DSE歷史科考卷問考生係咪同意「1900至45年間,日本為中國帶來的利多於弊」,令到全城震怒;本來一條擺明辱國、無視中國受盡欺凌嘅題目,明眼人都知道考評局唔應該咁問,道理就好似「日本喺中國殺人姦淫,你同唔同意為中國帶嚟利多於弊」咁,不過,出咗名包庇教育界敗類嘅教協,竟然發聲明指教育局「政治凌駕教育專業」,囍雨就覺得,事實應該係教協「政治凌駕人性」,連如此不堪嘅題目都要包庇,簡直就係中國之恥!


葉建源、教協胡說八道


有傳媒報道,立法會教育界議員、教協副會長葉建源接受網媒提問時,就明言「這句句子我相信很多人都不接受,因為你說『1900-1945年間,日本對中國所造的是利多於弊?』,我想大家看歷史,很多人不接受,我也覺得不能接受」,但奇怪嘅係,教協嘅公開聲明,就批評教育局局長楊潤雄說法極為錯誤,為咗「政治任務,嚴重摧毀考評制度」,一時話日本對中國造成嘅「不能接受」,但一時就攻訐教育局,囍雨就唔明白,如果題目、呢段歷史不能接受或者根本唔應該攞嚟討論,咁教育局發聲或者介入,又有咩問題呢?


關於呢條題目嘅問題,囍雨之前已經寫過,問題嘅根本,就係日本侵華、殺人姦淫,令中國以千萬計嘅人失去性命,唔好話稍有歷史常識,只要有良知、血性嘅人,都唔會問「日本殺害中國人」會唔會「利多於弊」啦;考評局做錯事,然後教協又走出嚟包庇,囍雨認為,教協咁做可能出於唔同「理由」,一係就怕得失反政府人士所以「硬著頭皮」嚟盲撐考評局,一係就係教協基於政治考慮,連基本道德、人性都泯滅!


題型、題目資料是另一回事


喺教協嘅聲明上,囍雨仲留意到本身為「歷史科教師」嘅教協理事張往稱,「教育局對該試題的批評並不合理」、「參考資料只是輔助學生立論,並不等同考生必然要同意相關資料的觀點和內容」、教育局「對教育界欠缺基本尊重,同時變相扼殺公開試設題的空間」云云;其實,如果話教育局要尊重教育界或者考評局設題嘅空間,囍雨用另一角度睇,考評局或者教育界又需唔需要尊重歷史,唔好喺中國人民嘅傷口上灑鹽呢?對於今次考題,有人話唔好取消,最多等考評局諗下點評分或者用其他方式處理,囍雨就認為,比一條有問題嘅考題考生答,對考生嚟講都係唔公平,最好嘅處理方式,都係要取消佢;至於往後點出卷,當然亦非常值得商榷。


原圖:rthk


請Follow我們的YouTube頻道:

https://bit.ly/2kgU8qg

 

下載我們的手機應用程式,收看第一手精彩內容:

https://www.speakout.hk/app

27
嬲爆
2
唔係呀哇
2
令人傷心

評論