喪權辱國 忍無可忍!
喪權辱國 忍無可忍!

香港教育界敗壞,成為本港近日熱議話題。繼早前有教師、教材歪曲歷史同歷史學者著作後,近日又爆出文憑試歷史科,竟然有題目問考生是否同意「1900至45年間,日本為中國帶來的利多於弊」。呢件事令鮮有公開評論考試問題嘅教育局,都公開表示試題「嚴重傷害了在日本侵華戰爭中,受到莫大苦難的國民的感情和尊嚴,對公開試出現如此設計試題深感遺憾,並予以譴責」,囍雨就質疑,日本喺呢段日子裡面喺中國殺害無數中國人甚至姦淫婦女,考評局出卷問呢啲問題,擺明係喪權辱國,敢問出題目嘅人士良心何在!


殺人姦淫 會「利多於弊」?


驟眼睇,呢條問題好似幾「中性」,但只要換個提問方式、了解日本對中國「做過乜」,大家就會即刻明白咩事。喺1900至1945年間,以1937年開始計,日本全面侵華,期間殘殺無數中國人、姦淫婦女,令中國生靈塗炭,呢段日子所代表嘅,就係「日本侵略、殘殺中國人」;有關題目就好似問人「1900至45年間,日本侵略、殘殺中國人,係咪『為中國帶來利多於弊』」一樣。講真,有血性有底線嘅人點會咁問呀?出題目嘅人,負責審核考卷嘅人,想考生點答?!


值得留意嘅係,呢條題目仲有兩段參考資料,大約內容係一段資料講中國想派人到日本學習「法政學科」,另一段就講中國革命家黃興向日本洋行借錢;睇呢兩份資料,可能會令人覺得日本「幫緊」中國,但囍雨有兩個問題,第一就係題型如何,係一回事,但用呢啲資料,好明顯會引導到部分人覺得「日本對中國好」;第二就係,如果要引導考生思考,點解無正反兩面嘅參考資料?點解只提供1912年或之前嘅資料?之後日本全面侵華嘅資料又無提供?


對於教育界以至外界對呢份試卷嘅質疑,囍雨見到有唔少人攞出已故國家領導人毛澤東嘅言論,去「佐證」日本「幫了中國忙」。囍雨想問,大家真係認為毛澤東呢番話說係「褒獎」而唔係反諷?再者,表示日本「假如日本不佔領大半個中國,中國人民不會覺醒起來」,點出日本侵華令中國人民醒覺,就係「利多於弊」?


外國試卷會問希特拉屠殺嗎?


類似嘅道理,如果外國有考試試卷問及德國納粹、希特拉發動二戰同屠殺數百萬人係咪「利多於弊」,大家估下外國人或者從政者會唔會覺得試題「無問題」?老實講,借試題考學生,無問題,但如果前提係問包括殺人姦淫嘅惡行會唔會對受害國家「利多於弊」,囍雨只得一個結論,就係出題者極度仇中、反中、要去中國化!作為考試部門,竟然出一條傷害人民感情、喪權辱國嘅歷史題目,全香港以至全中國,都唔可能放過呢啲敗類! 


圖片來源:RTHK、考評局圖片


請Follow我們的YouTube頻道:

https://bit.ly/2kgU8qg


下載我們的手機應用程式,收看第一手精彩內容:

https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

294
嬲爆
86
超無奈
83
無意見

評論

  • +85295****77
    +85295****77
    3年前
    0 回應 檢舉
    :eye_roll:
    • josie1216@gmail.com
      josie1216@gmail.com
      3年前
      0 回應 檢舉
      Good
      • josie1216@gmail.com
        josie1216@gmail.com
        3年前
        0 回應 檢舉
        ^^

        沒有更多評論

        沒有更多評論