聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
黃色經濟圈嘅「黃金時代」?
黃色經濟圈嘅「黃金時代」?

違法佔領發起人、港大法律學者戴耀廷,向來鍾意用「黃金時代」去形容佢或者佢啲「同路人」所追求嘅香港未來,佢今日喺《生果報》有篇文,仲聲稱「黃絲」或者支持黃色經濟圈嘅香港人,有能力創造出更光輝嘅「黃金時代」,稱香港嘅黃色經濟圈有400多萬「人口」;如果黃色經濟圈咁多人,甚至咁多錢,咁刊登戴耀廷呢篇文嘅《生果報》,做咩要告急、求人俾錢訂閱?

 

對於戴耀廷篇文嘅內容,廣男就唔多重複喇,佢篇文章大致嘅意思,就係話如果香港現在人口係「黃藍六四比」,香港就有六成人、即係400多萬嘅黃色經濟圈「人口」,香港人「絕對有能力創造出比70年代更光輝的黃金時代」云云。講到黃色經濟圈嘅問題,廣男首先要講,乜黃色經濟圈有400萬人咁多?如果套用戴耀廷咁有「邏輯」嘅「計算方法」,咁啱啱出世嘅嬰兒係咪都有部分係黃色經濟圈嘅人?

 

做個「有骨氣」嘅經濟圈

 

戴耀廷講黃色經濟圈(下稱「黃圈」)講得咁「把炮」,廣男覺得「黃圈」人應該有骨氣啲,廣男有以下建議,第一唔好用來自內地嘅東江水;第二唔好用來自內地嘅食材;第三唔好用來自內地嘅貨品、原材料。內地做嘅傢具平啲?唔用!亦唔會賣!唔用東江水Run唔到盤生意或者生存唔到?唔理成本,用法國嘅礦泉水!想型,就唔該「型到底」,一間黃店裡面啲嘢全部都係內地嚟,或者一個「黃圈」人用內地嘢,似咩樣呢?

 

更進一步,既然係黃店、「黃圈」人,連藍色都唔好用,如果「黃圈」能夠做得徹底,而又能生存落嚟,就算大家政見不同,廣男會覺得咁先至有骨氣,值得尊重下。不過,廣男十分懷疑,如果黃店、「黃圈」人咁做,仲生唔生存到呢?

 

錢都是問題

 

其實仲有一個問題,係戴耀廷無講嘅,戴耀廷呢個「黃色經濟圈」論述,建基於一個佢無講嘅假設,就係「黃圈」人要有錢或者有閒錢用先得;如果香港被黑暴攬炒,「黃圈」人無錢消費,甚至食餐飯都要帶飯返工,「黃圈」點維持落去呢?講開「黃圈」,《生果報》都應該係最多「黃圈」人支持嘅媒體啦,如果戴耀廷嘅「400萬人嘅黃色經濟圈」係Work嘅,點解連黎智英都講到《生果報》就嚟倒閉咁款?戴耀廷,戴教授,吹水還吹水,唔好成日吹到咁大啦! 


圖片來源:RTHK


請Follow我們的YouTube頻道:

https://bit.ly/2kgU8qg


下載我們的手機應用程式,收看第一手精彩內容:

https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

23
嬲爆
1
超無奈
0
無意見

評論