別讓幼童上戰場
別讓幼童上戰場

你12歲嘅時候,會做啲咩?上戰場,都咁有Energy?被警察帶走,都可以Keep住鎮定?喺噚日一場示威行動當中,警察見到一個極為年幼嘅男童,問佢喺度做咩,呢位男童話自己係記者,基於要保護呢個男童,警方將佢帶走;事後男童母親到警署接走兒子,仲話唔反對個仔去採訪,認為呢個係成長嘅階段,令兒子學識面對「大場面」。廣男真係想問句,問題都唔止係咩採訪與否嘅問題,而係咁細個幼童走出嚟企喺示威現場,唔怕佢有危險咩?


別以為這是「小事」


對於幼童被警方查問、帶走,廣男真覺得坊間嘅評論,感覺完全「對唔到焦」,什麼男童好勇敢、將來會好有成就、媽媽要為兒子感到驕傲等等,將化身為記者嘅男童「英雄化」;廣男先唔講男童做記者有冇「童工」或者觸犯勞工法例嘅問題(其實未夠13歲就「做嘢」,佢「效力」嘅機構可能犯法),剩係想問一句,如果男童出嚟採訪,有起事例如有暴力衝突,佢會唔會走唔切、出事先?


噚日男童去一個商場採訪,場面相對比起其他暴力示威,係「安全少少」,OK,大家要鼓勵男童以至其他「小記者」勇敢啲,廣男要問下,如果男童身處嘅現場,係有人掟緊磚或者掟緊汽油彈,係咪呢位男童都要繼續發揮好「小記者」呢個角度,繼續「報道」事件呢?萬一出意外,邊個負責?係暴徒負責,家長負責,定係叫個12歲嘅小朋友自己負責?唔好玩啦!


廣男雖然唔係識好多法律,但都明白立法者訂立法例嘅時候要就未成年少年嘅事宜特別立法,係因為要保護佢哋;而家一句「人哋係記者」,就鼓勵佢上前線,如果佢不幸地「中磚」或者「汽油彈」,啲「塘邊鶴」係咪賠返個仔俾人?身為家長,本身有好大責任,如果男童有事,會唔會追悔莫及?


年紀少 易犯錯


直至今日,廣男都好清楚記得上年大約8月嘅時候,喺荃灣一個衝突現場裡面,一個12歲嘅男童被警方搜出鐵枝、噴漆等繼而被捕;廣男唔係話今次「小記者」犯法,而係家長、長輩咁輕易放年幼子女上街,有起事上嚟,係無「稚子無罪」呢回事嘅;有啲嘢,尤其係涉及幼童,家長、長輩都係「宜緊不宜鬆」。 


圖片來源:港人講地圖片
請Follow我們的YouTube頻道:

https://bit.ly/2kgU8qg


下載我們的手機應用程式,收看第一手精彩內容:

https://www.speakout.hk/app





9
嬲爆
0
超無奈
0
無意見

評論