聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
梁家傑想攬炒香港 仲要顛倒是非!
梁家傑想攬炒香港 仲要顛倒是非!

選舉來了,政客梗係要「做嘢」比選民睇啦!早前公民黨突然召開咗個掛上「全面進攻 議會過半 實現五大訴求」字句嘅記者會,公民黨主席梁家傑帶住一班後生黨員出嚟見記者,其中立法會議員楊岳橋就揚言如果盲反派喺立法會取得過半議席,而政府唔屈從佢哋訴求嘅話,公民黨就會否決所有政府法案、財政撥款,擺出一副「公民黨話俾全港市民聽,我哋要玩攬炒」嘅「架勢」;公民黨玩「攬炒」,香港人都知,奇怪在於,今日梁家傑竟然喺《生果報》撰文,話中央想同香港「攬炒」。將啲嘢掉轉晒嚟講,廣男真心「佩服」梁家傑囉!


梁家傑歪理多多


梁家傑具體喺文章講過啲咩,廣男就唔喺度「一一細數」喇,不過有幾點,廣男認為非常值得商榷,包括梁家傑認為「兩辦」(港澳辦、中聯辦)介入香港事務、中央趁疫情對香港「上下其手」、《基本法》同「一國兩制」棄如敝屣同資深法官憂慮香港法治,大家要聽廣男講下,梁家傑嘅歪理,到底有幾歪。


首先,作為一個資深大律師,廣男對於梁家傑分辨唔到發聲同介入,覺得非常驚訝,如果「兩辦」發出命令,呢啲你或者可以叫干預、介入,但「兩辦」發表意見都唔俾?咁點解外國又可以干預香港、制裁香港呢?至於話中央趁疫情向香港「上下其手」,梁家傑自己早前行出嚟開個記者會,話俾人聽公民黨想玩「攬炒議會」(其實即係「攬炒」香港),仲好意思屈番其他人「攬炒」?唔好咁過分啦!


講到《基本法》、「一國兩制」,廣男成日覺得有一個好好嘅指標,就係諸如梁家傑嘅盲反派政客日日喺度鬧政府、中央,反中亂港,甚至縱容黑暴,至今絲毫無損,咁唔係對《基本法》、「一國兩制」健全嘅一大佐證咩?最後,關於有報道引述所謂匿名資深法官憂慮香港法治嘅問題,點解梁家傑又唔講下終院首席法官馬道立發聲明表示從未遇過內地干預呢?講啲唔講啲,梁家傑係咪想呃人先?


想攬炒的 是公民黨


其實,盲反派以至公民黨想「攬炒」香港,係好明顯嘅事,厚顏嘅梁家傑竟然敢掉返轉話中央「攬炒」,不過理據欠奉,係咪驚「攬炒」香港會俾市民鬧,所以卸定膊先,「又要威又要戴頭盔」呀? 


原圖:rthk


請Follow我們的YouTube頻道:

https://bit.ly/2kgU8qg


下載我們的手機應用程式,收看第一手精彩內容:

https://www.speakout.hk/app

25
嬲爆
0
唔係呀哇
1
點算呀

評論