出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
公民黨林瑞華被質疑講大話?
公民黨林瑞華被質疑講大話?

公民黨陳淑莊、林瑞華參與40人酒吧聚會、違反政府規則嘅醜聞持續發酵,林瑞華日前公開宣稱酒吧當時「已經下半閘停止營業」、「已移離客人並隔開會議範圍」、「沒有留意距離」以至「業界開會」等,噚日旋即被質疑幾乎全部都係砌辭大話。囍雨就覺得,林瑞華必須要向公眾交代清楚,佢係咪對住公眾「擘大眼講大話」,係咪想用大話去掩飾自己、公民黨成員犯法嘅事實!
 
報料者踢爆公民黨
 
對於林瑞華嘅一系列解釋,有市民向傳媒報料,踢爆有人疑似講咗一系列「大話」;根據傳媒報道,事發當晚酒吧雖然「半落閘」,但其他人只要稍稍低頭就可以入去坐底「叫嘢」,而林瑞華所謂「移離客人並隔開會議範圍」,報料人亦指酒吧根本無「移離客人」,至少報料人自己就無被「移離」,所以酒吧無營業、有移離客人,都係大話!
 
至於林瑞華對傳媒稱當時自己無留意人與人之間有冇適當距離,但報料人亦指出,當時唔知陳淑莊以至林瑞華等人「傾咩」,但佢哋唔係召集幾十人一齊傾,而只係坐一枱人逼逼飲酒講嘢,就咁睇似飲酒吹水多啲。換句話講,林瑞華等人「逼埋一枱傾計」,如果係真嘅話,林瑞華話「無留意距離」,又明顯係另一個大話!
 
是開會 還是飲酒?

 
從報料人提供嘅資料,囍雨就立即產生一個大疑問,無論係根據陳淑莊抑或林瑞華嘅講法,當晚係一個「業界會議」,既然係立法會議員同業界人士「開會」,咁陳淑莊、林瑞華等人有冇飲酒?如果有飲酒,咁到底係開會,定係飲酒聚會?定還是係「飲酒加開會」?媒體所引述嘅報料人,同林瑞華講嘅嘢幾乎係完全相反,到底係林瑞華講大話?定係報料人有所誤會?凡此種種,林瑞華都必需要再向公眾交代清楚!
 
林瑞華之前俾人踢爆佢參與酒吧聚會後,曾「反攻」政府,叫政府放下政治鬥爭思維,專心做好防疫工作;廣男必須要強調,政客從來都無違法而不受追究嘅權利,而如果林瑞華用「大話冚大話」,就更加要譴責!廣男喺度要問林瑞華一句,到底傳媒報道有誤,定係你向公眾只講出對自己有利嘅情況,唔該唔好迴避問題,亦唔好話自己喺社交平台交代過事件就算!

原圖:rthk、林瑞華facebook

請Follow我們的YouTube頻道:<p><a href="https://bit.ly/2kgU8qg" target="_blank">https://bit.ly/2kgU8qg</a><br></p>
 
下載我們的手機應用程式,收看第一手精彩內容:<p><a href="https://www.speakout.hk/app" target="_blank">https://www.speakout.hk/app</a><br></p>

15
嬲爆
3
唔係呀哇
0
搞笑咩

評論