電視節目有好多種，不過唔係個個節目都啱小朋友自己收睇。廣男近日上網，見到一段「教育電視」內容極度恐怖、過火！一段由「香城教育電視」上載到Youtube、題為《媽咪，點解香港人要報仇嘅？》嘅片段，以卡通動畫形式播出，但內容幾乎都係抹黑、詆譭警方同散播仇恨，睇到人心都寒埋。廣男就覺得，以「教育電視」、「教育片段」嘅名目荼毒小孩，肯定會助長更多仇恨，令香港將來出現更多「衝衝子」（暴徒）！
警察殺人、逼害人？
睇呢段所謂「教育電視」，廣男只要節錄其中兩句內容，大家就會知道內容有幾咁恐怖：
豬：點解「香港人，報仇！」
我：因為黑警同政府逼害同殺害好多香港人，我地要為佢哋報仇！
我：我諗好多人都想佢哋死，但殺死佢哋一來做唔到，二來香港人的仇不是殺死對方就解決的。因為好多人死得不明不白，死了都冇人知道真相，所以我們要成立獨立調查委員會 …
對於以上說話，大家有咩感覺？廣男首先要質疑，片中的「媽媽」稱警察逼害、殺害咗好多香港人，咁有邊個香港人被警察殺死咗呢？係8.31太子站有死人？被指係被自殺嘅少女？定係有其他人？一直以嚟，反政府人士都話警察「殺人」，但如果警察殺咗人，而且係殺死「好多人」，點解死者嘅家屬、朋友會唔出嚟呼冤？點解反政府人士話警察殺人，但又永遠講唔出人名、又攞唔出證據？
連小孩都煽動！
呢啲所謂「教育電視」，根本就係用謊言荼毒小孩，煽動佢哋仇恨政府以至警察；有啲人睇完可能會覺得條片「幾得意」，但廣男必須指出，如果家長俾小朋友睇呢啲片，喺潛移默化嘅情況下，小孩成長以後，可能又係一個又一個「衝衝子」（暴徒），到時就唔係玩下、笑下咁簡單！對於呢條荼毒小孩嘅「教育電視」，連平素唔理網上片段嘅教育局都澄清，片段與教育局無關，譴責該短片內容偏頗、失實，並扭曲價值觀及散播仇恨，令人擔心會對兒童造成不良影響。由此可見，呢條片為禍幾深，令到教育局都要發聲！
有傳媒報道，呢個所謂「香城教育電視」頻道，前身係「連登教育電視」，佢哋設立頻道嘅目的係要「加強文宣」；講到底，其實一切都係反政府宣傳，唔好扮咩「教育電視」啦，要改名，就改名做「洗腦電視」！
原圖：「香城教育電視」影片截圖、中通社
請Follow我們的YouTube頻道：
下載我們的手機應用程式，收看第一手精彩內容：
評論