立會過半 香港玩完
立會過半 香港玩完

今日,廣男睇新聞,見到戴耀廷又準備出嚟「搞局」,同前立法會議員區諾軒等盲反派人士出嚟舉行「立會過半」記者會,「聯手呼籲民主派必須就直選做好協調工作,功能組別則要把握時間,盡快登記成為功能界別選民」、「相信民主派若取得35席以上,港人將取得『大殺傷力的憲制武器』,推動香港的真正改變」。對於戴耀廷又出嚟準備食「大茶飯」,廣男只係想講,香港人被黑暴攬炒已經好慘,唔該戴耀廷唔好走出嚟搞事,令香港人傷上加傷啦!再係咁香港玩完啦!
 
非一般「攬炒」
 
廣男想講,所謂「立會過半」、「民主派勝利」,其實對香港、香港人都唔係好事,因為如果真係俾盲反派喺立法會取得「過半」議席,首先被盲反派攬炒嘅,就係政府,而政府當中,係包括醫療、社福、教育、房屋、保安等範疇,如果盲反派到時玩「唔批錢」俾政府,大家可能連去公立醫院睇醫生都唔得!


對於戴耀廷又「衝出嚟」,廣男覺得呢個唔係咩好兆頭,仲記得果時戴耀廷搞違法佔領,香港嘅運作被影響咗足足79日,返工、返學受阻已經唔係咩大件事,好多要搵食嘅基層例如司機、飲食業人士,生計都出現問題;依家戴耀廷出嚟「助選」,話要奪取「大殺傷力的憲制武器」,其實講白啲,即係徹底攬炒香港,想所有香港人死!


行動變質 分贓唔勻


但有一點,廣男覺得值得大家留意,戴耀廷好多時「有行動」都會造成傳統盲反派同本土派分裂;佢今次出嚟話要盲反派「議席過半」,到最後會唔會變成「分贓唔勻」,又引起盲反派內部嘅矛盾同分裂,係未知之數。所以呢,戴耀廷「出山」,到底係幫咗盲反派,定係害咗盲反派,都要繼續觀察。



講開又講,戴耀廷咁得閒出嚟搞局,係因為佢暫時唔駛教書?廣男實在好奇,港大到底會唔會嚴肅處理被定罪嘅戴耀廷,以至解僱呢個「違法達義」嘅始作俑者呢?其實社會最應該關心戴耀廷嘅地方,係港大到底幾時會處分佢,以彰顯公義。


原圖:Takungpao


請Follow我們的YouTube頻道:
https://bit.ly/2kgU8qg

 
下載我們的手機應用程式,收看第一手精彩內容:
https://www.speakout.hk/app

31
嬲爆
6
超無奈
3
無意見

評論