聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
特朗普「種族歧視」呈陽性!
特朗普「種族歧視」呈陽性!

美國總統特朗普近日頻頻喺公開場合,以「中國病毒」(Chinese Virus)形容新冠病毒。唔好睇小呢簡單四個字嘅殺傷威力,因為唔單止喺中國嘅「傷口上撒鹽」,更令到原本喺歐美地區因疫情而被排擠、歧視華人嘅情況再度升級,甚至掀起一股針對亞裔人士嘅歧視風暴。廣男想講,特朗普雖然對新冠病毒檢測呈陰性反應,但佢感染嘅歧視病毒,明顯呈陽性!

 

四個字 散播歧視仇恨

 

廣男睇新聞,目前在美華人遭到當地居民惡意攻擊嘅事件層出不窮。喺德州,4名華人被人以刀割傷面部;華裔Uber司機載唔到客人,乘客一睇到黃皮膚、黑眼睛嘅司機即刻退訂;喺紐約地鐵,有華裔女子因戴口罩而遭到一名黑人毆打;校園亦都唔再寧靜、安全,不斷有華裔學生遭到排擠甚至霸凌嘅事件發生。就連不少歐美不少媒體,都不斷用各種標題、報道嚟暗示病毒來自亞洲……據報洛杉磯等地嘅華人圈,已經開始討論囤積彈藥、購買槍支,以維護自己嘅基本人權及人身安全。

 

一個號稱民主、自由嘅超級大國,堂堂元首就帶頭煽動歧視,甚至掀起一股排外浪潮;生活喺呢個過度嘅部分民眾,竟然要靠彈藥、槍支嚟保護自己個安全、人身自由,都係拜總統所賜,真係何其諷刺!

 

H1N1病毒應否叫「美國流感」?

 

廣男想問,特朗普以致果啲歧視甚至仇視華人、亞裔嘅種族主義者,究竟明唔明病毒從來不分國界、不分種族嘅道理?的確,中國地區可能最先爆發疫情(其實有跡象顯示未必如此),疫情亦都一度最嚴重,但有邊條「道理」話過,「最先最嚴重」,就一定係病毒源頭?就可以用呢個地方嚟命名病毒?如果咁都得,咁最先由美國爆發、超過6000萬人感染、導致超過12000人死亡嘅H1N1流感,似乎應該叫「美國流感」先啱喎!但由始至終,世人有冇咁做呢?有冇因此而歧視美國或者美國人呢?

 

對於防疫抗疫嚟講,大家的確好想知道究竟今次病毒從何來?關於源頭問題,廣男認為,最好嘅方法,就係交俾科學去回答,而唔係用呢嘅啲問題嚟搞對立、分化、歧視;世衛組織已經一再要求,唔好再藉此搞任何污名化、同任何地方掛鈎,美國人唔知?特朗普會唔知?如果明知故犯,咁廣男可以諗到嘅解釋,就係另有目的、居心叵測!所以廣男喺度都可以作一個預測,隨著疫情發展,呢仲歧視華人、亞裔嘅風潮,可能仲會持續,甚至到疫情過後,都仲難以磨滅。之但係,對人類共同抗擊疫情,又有咩幫助?


圖片來源:網上圖片、新華社


請Follow我們的YouTube頻道:

https://bit.ly/2kgU8qg


下載我們的手機應用程式,收看第一手精彩內容:

https://www.speakout.hk/app

25
嬲爆
1
超無奈
1
無意見

評論