盲反派與民為敵!
盲反派與民為敵!

政府派錢一萬元,同警察開支掛勾?因為《財政預算案》一直將各部門開支包含在內,今年就俾盲反派搵到反對《預算案》、阻止政府派錢嘅「藉口」,今日《生果報》仲以頭版報道《泛民斥綑綁表決 民間反258億開支 唔要一萬 與警攬炒》,稱盲反派表明「反對預算案,民間亦對這筆不義之財沒期待,明言不介意阻止預算案通過,甚至不惜與警攬炒」,即係佢哋嘅反對行動,可能阻礙到政府派錢俾市民。囍雨覺得成件事好簡單,就係盲反派政客同暴徒「攬炒」完香港,依家仲可能阻埋政府「派糖」,令香港人「死多兩錢重」!

 

《預算案》根本不可分拆

 

今年盲反派不斷聲稱政府派錢或者警察開支要喺《預算案》入面分拆出嚟,講到「似層層」咁款,但事實係點呢?事實係根據港條例第2章《公共財政條例》第6條第一項,「財政年度的各開支預算總目須包括在撥款條例草案中,而條例草案須與該預算一同提交立法會」,即係政府各部門開支,根據法律係有必要擺喺《預算案》,財經及庫務局官員亦講明,每年《預算案》都包括所有政府部門開支,今年警隊資源唔係有咩特別安排。一句講晒,就係盲反派玩嘢,想誤導公眾以為警察開支或者「派錢」措施可以分拆出嚟。

 

盲反派搵藉口反對《預算案》,可能阻到政府派錢,囍雨覺得佢哋根本就係與民為敵!喺過去大半年,黑暴陰霾籠罩香港,暴徒不斷打砸搶燒,令香港經濟民生大受打擊,加上新冠肺炎,好多行業、打工仔都「奄奄一息」;好啦,政府見到市民被黑暴搞到咁慘,破天荒決定派錢,向市民派「救命錢」,但盲反派支持完黑暴,依家仲借「警隊開支」為由想反對《預算案》,客觀效果就係想香港人「死多兩錢重」,基層打工仔嘅死活,佢哋一於「話知你」。

 

要「攬炒全港」

 

當外界不斷將焦點放喺警方開支時,囍雨想大家睇清楚問題;點解警方開支有所增加?因為黑暴肆虐香港,警方有必要加強措施、人手應付暴徒,如果無暴徒四處破壞,警方根本無需要花這筆錢,令更多公帑用於維持社會治安。盲反派一直支持黑暴,搞到民不聊生,依家連政府「救人救市」都想阻止,似乎佢哋覺得「攬炒」部分香港人仲唔夠,要將全香港「攬炒」,佢哋先可能會善罷甘休。 


圖片來源:RTHK


請Follow我們的YouTube頻道:

https://bit.ly/2kgU8qg


下載我們的手機應用程式,收看第一手精彩內容:

https://www.speakout.hk/app

10
嬲爆
5
超無奈
3
無意見

評論