出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
罔顧事實 公民黨盲撐港台
罔顧事實 公民黨盲撐港台

「一方有難,八方盲撐」,係盲反派特色,只要政治立場同佢哋一致,無論做到幾錯,盲反派其他「同路人」都會支持;明明港台《頭條新聞》嘅評論節目「誹謗」警察,全無事實基礎便嘲諷警隊「防疫裝備多、唔駛點做」,但盲反派似乎都「樂此不疲」地支持港台,其中有「大狀黨」稱號嘅公民黨仲身體力行,喺社交平台分享「一人一信撐港台」嘅訊息,稱港台受到「打壓」,要支持《頭條新聞》同言論自由云云。一般嚟講,支持港台,當然可以啦,但今次《頭條新聞》對執法部門作出不實指控、嘲諷,甚有誹謗他人之嫌,公民黨唔係連言論自由同「誹謗」都分唔清楚呀?


「嬉笑怒罵」 講乜都得?


綜觀公民黨喺Facebook發嘅帖,內容大致又係《頭條新聞》「諷刺時弊、嬉笑怒罵」,要支持《頭條新聞》、言論自由。講真,如果一般人要支持甚至盲撐港台,大家都無嘢好講,但公民黨咁多「大律師」,無理由唔清楚《頭條新聞》嘅問題,最關鍵在於《頭條新聞》喺節目入面嘲諷警察「防疫裝備多」等言論,但警察事實只得一星期口罩存量、保護衣仲係用緊自己儲備,呢啲不依據事實嘅評論,足以構成誹謗,公民黨盲目支持港台、《頭條新聞》,同支持人作出不實指控、評論,完全無分別!退一步講,如果有言論自由可以作出不實指控,咁係咪發表歧視言論都得?推得極致啲,唔通「恐嚇」人都得?當然唔係咁啦!


對於公民黨明知《頭條新聞》失實有問題而都要盲撐港台,囍雨覺得當中原因好簡單,就係公民黨可能基於政治立場,都決定盲撐港台!一直以嚟,港台嘅員工以至節目,表現都好似係盲反派嘅「同路人」咁,每逢有評論時事節目,絕大部分都係針對政府同建制派,鮮有批評反對派;港台嘅主持、記者,唔少更「扮演」政府、建制派嘅「仇人」,既然大家「同氣連枝」,公民黨今次力挺「同路人」,真係一啲都唔出奇。


研究控告港台


公民黨一班大律師,成日話要守護法治,而家眼前就有人涉嫌誹謗警察,佢哋支唔支持將呢件事交俾法庭處理,睇下港台、《頭條新聞》有冇做錯呢?至於警方,一定要研究佢哋有冇法律途徑追究港台,例如告港台誹謗!如果港台《頭條新聞》可以因為「諷刺時弊、嬉笑怒罵」而為所欲為,咁以後任何人都可以此為擋箭牌,咁就真係無法無天喇!


原圖:公民黨facebook


請Follow我們的YouTube頻道:

https://bit.ly/2kgU8qg


下載我們的手機應用程式,收看第一手精彩內容:

https://www.speakout.hk/app

15
嬲爆
1
唔係呀哇
0
無意見

評論