聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
唱衰香港無問題?
唱衰香港無問題?

特首林鄭月娥日前表示「不希望本港有政治人物不斷到海外向外國政府提供不實指控,唱衰甚至要求制裁本港」,一句叫人唔好「唱衰」香港,原來都可以俾人用嚟「大做文章」,《生果報》評論員李怡今日就以〈世道人生:特衰政府〉為題,批評林鄭月娥嘅「唔好唱衰」香港論。廣男想講,「唱衰」香港,唔係最大問題,最大問題係,盲反派唱衰香港嘅時候,有冇以偏概全,絕口不提暴徒暴力先?如果有,咁就唔止係唱衰,而係抹黑喇!

 

李怡「如是說」

 

對於李怡成篇文章講乜,大家應該無興趣知道所有內容㗎喇,喺佢評論「唱衰香港」嘅問題時,就有以下一段說話:

 

林鄭承襲老董的「唱衰」用詞,使人想到鄧小平講過的話:一個人長得醜就不要怪鏡子。「唱」也就是鏡子。同一件事,有人「唱好」也有人「唱衰」,只要自己做好,就不怕有人唱衰;只有自己知道做壞了,才會介意有人唱衰。

 

驟眼睇,李怡講得「好似好有道理」,如果做得好,又駛乜怕俾人唱衰呢,真係「只有自己知道做壞了,才會介意有人唱衰」;但問題嚟喇,盲反派政客喺香港好、去台灣好,去外國也好,係咪純「唱衰」香港呢?答案絕對唔係!因為佢哋好多時所講嘅,都唔係事實,而係以偏概全,只談論所謂「警暴」,而無視甚至忽略黑色恐怖同暴徒暴力!

 

政客有向外國政客講真話嗎?

 

睇返呢幾個月所謂「唱衰香港」嘅動作,廣男覺得大家要睇真啲件事,好簡單,暴徒掟磚、掟汽油彈、「謀殺」警察、私了市民、用易燃液體火燒「活人」、用磚掟死老伯、對商舖「打砸燒」、藏真槍實彈及製造恐襲級別炸彈等等,呢啲全部都係事實,班盲反派有冇同外國政要、政客講清楚?定係唔提呢啲暴力事件,而一味攻擊警察有「幾暴力」?難道示威者、暴徒「乜都無做」,然後警察用力執法?講得啱呀,人哋係要唱衰香港其他人的確難阻止,但依家最大問題唔係唱衰,而係故意抹黑嘛!

 

就如李怡自己嘅文章一樣,廣男睇咗咁耐,都唔覺李怡有譴責過暴徒暴力,大家要問下《生果報》、李怡以至盲反派,殺人放火你哋都唔譴責,仲好意思講咁多? 


原圖:RTHK


請Follow我們的YouTube頻道:

https://bit.ly/2kgU8qg

 

下載我們的手機應用程式,收看第一手精彩內容:

https://www.speakout.hk/app

23
嬲爆
2
超無奈
1
無意見

評論