聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
毛孟靜歧視孕婦 必須道歉?
毛孟靜歧視孕婦 必須道歉?

立法會復會之後,盲反派一直喺立法會「拉布」,其中保安事務委員會開咗三次會都淨係選到主席,尋日第四次會議繼續選副主席,但係當立法會議員容海恩被提名嗰陣,盲反派立法會議員毛孟靜居然話因為容海恩下個月就要生BB,要放產假,形容情況「完全唔能夠接受」,仲話應該撤回容海恩選副主席嘅提名,而事後平機會都認為毛孟靜嘅言論唔恰當,仲有歧視孕婦之嫌。廣男認為,毛孟靜說法大有歧視孕婦之嫌,如果佢有心改正,好應該向容海恩道歉,同埋公開表示願意撤回言論。

 

平機會批評毛孟靜歧視言論 


對於毛孟靜嘅「驚人」言論,唔單止引起社會嘩然,就連平機會都要出嚟主持公道。平機會表示,雖然議員喺立法會嘅發言不受法律追究,無辦法跟進及處理投訴,但認為毛孟靜嘅言論不恰當,既有歧視懷孕女性之嫌,亦可能剝奪了孕婦平等參與議會事務嘅權利,仲公開呼籲立法會議員、社會領袖及僱主等,唔應該對孕婦嘅工作能力作出假設,就算懷孕都唔等於無能力執行職務,或者令工作效率降低。廣男覺得,平機會嘅說話似乎係想講畀毛孟靜聽,勸佢唔好再歧視孕婦咁喎。

 

身為母親卻歧視孕婦?

 

廣男想講,其實根據《性別歧視條例》,如果基於婦女懷孕而畀佢較差嘅待遇,就已經構成咗懷孕歧視,而毛孟靜因為容海恩就快要放產假,就想剝奪佢選副主席嘅權利,歧視孕婦味道甚濃,而且容海恩只係放短時間嘅產假,又唔係長期唔可以履行職務,如果毛孟靜真係咁關心議會運作,不如先叫盲反派唔好再拉布,停止浪費寶貴嘅議會時間啦!其實毛孟靜都係身為人母,應該知道因懷孕而被人歧視有幾難受,點解佢仲要咁做?係咪為咗「DQ」對手,就連言論有冇歧視成分都唔理? 

 

老實講,如果容海恩因為分娩而「唔能夠」選保安事務委員會副主席,咁社福界邵家臻被定罪坐咗幾個月監,係咪直頭要DQ邵家臻唔俾佢做議員呢?如果毛孟靜真係咁關心議員能唔能夠「執行職務」,會唔會考慮提出DQ邵家臻呢?不過一向堅持「不割席」嘅毛孟靜,相信唔會有呢個勇氣喇。 


原圖:大公報


請Follow我們的YouTube頻道:https://bit.ly/2kgU8qg

 

下載我們的手機應用程式,收看第一手精彩內容:https://www.speakout.hk/app

24
嬲爆
2
超無奈
2
無意見

評論