聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
李卓人接力 巡迴唱衰香港?
李卓人接力 巡迴唱衰香港?

自從喺立法會補選輸咗之後,盲反派資深政客李卓人「沉寂」咗一段時間,廣男以為佢知道自己已經「追唔上時代變遷」,所以急流勇退啦;原來,佢依然活躍於政壇,最近有新聞報道,話佢將會率團到澳洲,促進當地推出澳洲版《香港人權與民主法案》,呢個訪問團仲期望「可向澳洲傳媒和國會議員提供香港政局的第一手資訊,亦能促成日後澳洲國會議員和當地公民社會到香港觀察反修例運動」。廣男實在好想知,所謂「第一手資訊」,包唔包括暴徒打砸搶燒、殺人放火呢?如果只係選擇性外界講述香港情況,又係咪抹黑港府呢?


政客發動全球制裁香港


據傳媒報道,李卓人等人去澳洲除咗出會出席會議、講座,亦會同關心香港情況嘅澳洲議員會面,李卓人接受查詢時,更稱「澳洲一如美國等,屬國際社會一員,香港回歸時有份為《中英聯合聲明》背書,道義上有責任監察香港人權及民主自由狀況」;無獨有偶,「香港眾志」黃之鋒日前亦透過視像通話參與意大利國會外交及人權聽證會,事後中國駐意大利使館發言人發表聲明,點名批評黃之鋒為「港獨分子」,又斥責佢「竭力顛倒黑白,美化暴力,詆毁一國兩制」。綜合呢啲新聞,大家可以感受到,盲反派已經全面開展唱衰港府同中央之旅,目的係想「全世界」制裁香港。


政客要去外國同外國政要等交流,廣男覺得係十分平常嘅事情;問題嘅癥結,係呢班盲反派政客去到外國,所講嘅係唔係客觀事實!無論係李卓人好,黃之鋒也好,大家要問下佢哋,有冇同外國政要講,香港有班暴徒打砸搶燒、殺人放火,手法冷血?有冇講好多市民被暴徒圍毆甚至掟磚「擊殺」?有冇同外國政要講有人俾暴徒淋易燃液體兼火燒?廣男就覺得,佢哋唔會講出呢啲事實,而只會一味攻訐警察執法,又或者批評政府唔答應訴求;喺呢種訊息極度偏頗嘅情況下,有外國政要、政客被誤導,真係一啲都唔奇!


一面之詞 無講出事實


喺相關報道廣男仲睇到李卓人提到《中英聯合聲明》,講到「香港人權及民主自由狀況」,大家又要問下李卓人,依家喺香人權以至民主自由出問題,定係暴徒破壞香港,甚至影響到其他人嘅人身自由同安全先?廣男希望,外國嘅政要、政客唔好聽信盲反派嘅一面之詞,因為佢哋所講嘅,根本就係以偏概全、有違事實!


原圖:rthk


請Follow我們的YouTube頻道:

https://bit.ly/2kgU8qg


下載我們的手機應用程式,收看第一手精彩內容:

https://www.speakout.hk/app

15
嬲爆
2
唔係呀哇
0
點算呀

評論