DQ黃之鋒有跡可循?
DQ黃之鋒有跡可循?

「香港眾志」黃之鋒想參選區議會選舉,社會各界都對黃之鋒參選資格嘅問題表現「高度關注」,有意見認為黃之鋒其實係「獨」派,根本唔應該俾佢「入閘」。今日,有關選舉主任正式DQ(參選提名無效)黃之鋒,黃之鋒批評選舉主任進行「政治篩選和審查」、剝奪佢哋政治權利。今次事件嘅關鍵,在於黃之鋒係咪真心擁護《基本法》、堅持「自決」甚至係咪接受「港獨」為自決選項,喺度不如等廣男喺度同大家分享兩件事,大家再諗下黃之鋒係咪合乎資格參選香港特區嘅區議員啦!


不提倡和支持「港獨」?


根據黃之鋒同選舉主任嘅數問數答,答到最後黃之鋒表示理解並支持由香港眾志提出的民主自決理念,「不提倡和支持香港獨立作為民主自決的一個選項」、「而中國對香港擁有主權,他認為實際上港獨不可成為可接納的選項」,即係話佢支持「民主自決」,但就唔支持「港獨」,呢啲回應,同佢或者「香港眾志」之前嘅說法,好似唔係咁一致!


喺2016年立法會選舉前,「港獨」分子陳浩天因為「港獨」政綱被DQ,之後劉小麗、朱凱廸同「香港眾志」,就發表過聲明「聲援」陳浩天,聲明入面提到聯署者嘅共同政治綱領為「民主自決」,而喺「民主自決」嘅立場上,佢哋定必捍衛「香港獨立作為港人自決前途的選項」;換言之,「香港眾志」(黃之鋒為當中核心人物)支持「民主自決」,而且包含「港獨」選項。值得留意嘅係,當年同樣有發表聲明嘅朱凱廸參選區議會已經「入閘」,點解朱凱廸得而黃之鋒唔得呢?廣男覺得,咁可能係因為黃之鋒仲不斷「闡釋」自決理念,令選舉主任覺得佢信唔過!


黃之鋒曾帶「港獨」標語衝擊政總


如果大家認為一份聲明或者一啲文章,唔足以令人認為黃之鋒係「獨」派,廣男又喺度同大家重溫一單新聞。今年元旦,民陣發起「例牌」嘅元旦遊行,到最後遊行都係暴力收場,部分人無視政總保安阻止,手持「港獨」標語、以暴力強行進入進入政府總部東翼前地,而喺一眾強闖人士當中,竟然有黃之鋒嘅身影,黃之鋒當時「突破防線」攞住寫上「只有兩國,才有兩制」嘅「港獨」標語衝入政總。大家又要諗下,如果黃之鋒唔係「獨派」,點解要攞住「港獨」味道極濃嘅標語衝入政總呢?就如黃之鋒如果覺得理念唔同,會唔會攞住「支持《逃犯條例》修訂」嘅標語去遊行呀?


最近,廣男睇緊一本關於國際關係嘅書,咁啱入面就有提到「自決」呢個概念,作者(全球知名嘅作者)指民族群體(喺香港有「獨」派會強調香港係一個「民族」)經常主張「自決」,而「自決」係指自我決定自身政治命運嘅能力,常常包括建立國家嘅主張,例子包括加拿大嘅魁北克;當香港一班政客成日話要「自決」,但又話「自決」唔包括「港獨」嘅時候,大家又信唔信呢? 


朱凱廸參選嘅八鄉南選區嘅其他候選人包括黎永添同徐卓然。


請Follow我們的YouTube頻道:https://bit.ly/2kgU8qg

 

下載我們的手機應用程式,收看第一手精彩內容:https://www.speakout.hk/app

2
驚訝
15
嬲爆
0
無意見

評論

  • jthk
    jthk
    4年前
    0 回應 檢舉
    香港不單些被全世界恥笑,再加上由CIA策劃的暴行現正向全世界蔓延,成為全世界的壞榜樣不特止,更有立法會議帶頭把警方的失誤誣蔑為故意,呼籲全世界穆斯林人報復,又煽動香港穆斯林社群及其他小數族裔加入暴亂,根本就是在煽惑宗教仇恨。中央對特區政棍這些愚蠢、無知加惡毒的行為不加制止,會連累國家以至全世界,不容低估。因為他們的背後是超級大國。
    • jthk
      jthk
      4年前
      0 回應 檢舉
      基本法23條屬於國防及國家安全的範疇,根本不應由一個小小特區來當理,中央應在釋法時寫明,特區法院必須成立特別法庭審理23條相關的罪行,祇可審理表面證據是否成立,成立便要把疑犯轉交中央人民法院審理。否則就會出現今天法理不容許的亂象,中國特別行政區的法院保護美國領事館比國家的國旗與尊嚴更落力。這是國民教育,全港人包括法院都可以體現、明白什麼是國家、主權又是什麼。現在香港的政治侏儒被去政治化、被愚民了150年,連基本的國民的權利與義務都不懂的社會,給予高度自治,就會搞出今天香港的亂象,被全世界恥笑。
      • jthk
        jthk
        4年前
        0 回應 檢舉
        黃之鋒及一眾犯民狗賊就是代表了外國反華勢力,利用「一國兩制」法制未發展完善,協助外國入侵特區以至中央政治體制。建議特區未就23條立法,人大常委都應該跟DQ港獨議員釋法,解釋如何才是合法的宣誓及聲明。人大常委應該就基本法23條作出解釋,什麼行為構成叛國、分裂國家、煽動叛亂...。

        沒有更多評論

        沒有更多評論