香港自由指數遠高於美國
香港自由指數遠高於美國

相信大家都記得喺上個星期日,一班示威者手持美國國旗、係威係勢咁遊行去美國駐港總領館,「要求」美國介入香港事務、「支持香港爭取自由」等等。但講到「自由」,囍雨近日就見到網上一張引起熱議嘅製圖,顯示喺全球範圍內,香港嘅「自由指數」排名高居第3位,但排喺香港之前、甚至排名前十嘅國家(或地區)入面,就完全唔見美國踪影喎。進一步翻查先發覺,原來美國嘅「自由指數」只係排第17位。咁真係搞笑啦,香港竟然要向自由程度差咁遠嘅美國「求助」?班示威者到底知唔知道呢?


有參考價值的自由度排名


囍雨相信大家可能都會問,果份排名係咪可信架?喺度同大家簡單介紹下,排名數據係出自加拿大獨立智庫菲沙研究所(Fraser Institute)舊年十二月發表嘅「全球人類自由指數」;而呢個「全球人類自由指數」,係由包括菲沙研究所在內嘅嚟自加、德、美等多個先進國家嘅研究所聯合進行調查研究,團隊採用咗79項個人自由、公民自由和經濟自由指標,就全球162個國家/地區作分析而得出最終排名。簡單嚟講,就係排名結果有根有據、足夠權威,絕對有參考價值。


所以囍雨想大家明白一個好簡單、客觀嘅事實,就係香港喺全世界嚟講,都絕對係一個自由程度非常高嘅社會。當依家有啲人不斷控訴香港「冇自由、失自由」嘅時候,大家又不妨睇下,啲盲反派政客日日係咁鬧政府、鬧中央,有冇一個人「出事」呢?過去幾個月一浪接一浪嘅遊行示威、表達訴求,只要冇違法,又有無被打壓過呢?依家有啲人仲要假借「爭取自由」之名搞「抗爭」、尋求美國「支持」,囍雨真係要同呢班人講句,美國嘅「自由」仲差過香港喎!調番轉美國學下香港就差唔多;更何況,美國又有咩資格干預香港事務呢?


烏克蘭自由排第118位 香港要學?


另一個問題係,依家香港有一班「抗爭者」為咗拉攏外國勢力介入香港、宣揚「時代革命」,成日攞經歷過顏色革命嘅烏克蘭奉作「典範」。囍雨又要話畀大家知,冇錯啊,烏克蘭就係因為「得到美國支持」,搞咗一場「革命」,但結果又係點呢?社會動盪、腐敗先唔講,單單經濟方面,2014年烏克蘭嘅GDP同比下跌咗26.3%,一年之後再跌咗32.1%,今時今日已經淪為歐洲最窮嘅國家之一;而講到烏克蘭嘅「自由」,的確「榜上有名」啊,但就排係第118位。睇過呢啲,大家係咪仲要香港「學習」烏克蘭、尋求美國「支持」?囍雨就覺得實在諷刺!


原圖:大公

4
搞笑咩
4
唔係呀哇
19
好好笑

評論