出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
示威者要繼續「戰鬥」?
示威者要繼續「戰鬥」?

反修波風波發展到依家,示威者、暴徒一方感覺去到「無退路」咁款,佢哋嘅邏輯大概係如果停止抗爭以至使用暴力,就等於「輸」,所以只好繼續「施暴」;囍雨用另一角度睇件事,就覺得如果繼續抗爭,其實係更多人受傷、被捕先真,不過盲反派政客、媒體似乎就忽略咗呢點,為達政治目的仲喺度煽動人群。好似《生果報》李怡咁,今日又有文章「鼓勵」示威者,揚言要「持續抗爭」、「韌性戰鬥」云云;囍雨係想講句,夠喇,再推啲年輕人出嚟抗爭,根本只係叫佢哋出嚟「俾人拉」,而唔係咩爭取自由嘅必要表現。


持續戰鬥是何意?


當李怡繼續喺度寫文,大概意思指任何情況下都係「五大訴求,缺一不可」,就算「你說是『無賴精神』也罷,說是死咬着骨頭不放的狗也罷,我相信香港人會持續抗爭,韌性戰鬥」,囍雨首先要問問,「持續抗爭,韌性戰鬥」係咩意思?即係年輕人要繼續出嚟,甚至好似李怡自己所講嘅「自衛性」襲警?咁如果啲年輕人繼續出嚟抗爭、動武而被捕,係咪都無所謂?


依家客觀嘅環境係,部分激進示威者、暴徒所要求嘅嘢,基本上極度唔容易做到,李怡叫佢哋要有「韌性」,咁到今日為止有幾百人被捕,係咪之後發展到幾千人被捕,李怡都覺得唔可以收手?如果一定數目嘅年輕人因此而被定罪、入獄繼而前程盡毁,係咪都要抱住「一將功成萬骨枯」嘅心態先?


特意提到蘇聯變天?


睇李怡文章,大家可以留意一點,就係佢喺文章提到「蘇聯變天」嘅歷史事件,並用一定篇幅分析件事,稱當時蘇聯人反抗係因為「自由受到威脅」;囍雨好奇,李怡刻意提到蘇聯,係咪有咩特別意思呢?同《生果報》老闆黎智英所講嘅「改變中國未來」,或者「香港眾志」黃之鋒所講嘅爭取「自治」,係咪同一道理呢?如果係,可能除咗所謂「五大訴求」,佢哋所指向嘅,仲包括中央政府喎!


最後一點,就係無論係李怡、《生果報》以至其他盲反派政客,似乎始終唔願意同暴力割席,甚至甚有「鼓勵」暴力嘅感覺;講真,呢啲助長歪風嘅傳媒人、政客,根本同暴徒係一夥人,甚至本質上,佢哋都係暴徒。 


原圖:RTHK
9
嬲爆
0
超無奈
1
無意見

評論