父親離世 暴徒哭了
父親離世 暴徒哭了

自旺角暴動案審結後,大家不時都會聽到啲關於旺暴案囚犯嘅新聞,除咗梁天琦之外,相信大家較有印象嘅都係被判監七年嘅盧建民;之前囍雨睇新聞,知道盧建民因為父親患病而不能守候在旁,所以每次諗起父親,「淚水就不知不覺間淌下」。今日囍雨睇新聞,見到盧建民患病父親已經離世,佢本人就相當之傷心。睇到呢度,囍雨心中入面都覺得有啲戚戚然,喺度諗呢班年輕人如果當初無犯事,可能一早已經喺家人身邊,陪伴親人走過最後一段路,唔會有咁多遺憾。


一想起父親 就哭了


根據《生果報》報道,盧建民喺6月時去信該報,信入面提到佢喺父親節同父親被「鐵窗相隔,無法團聚」,佢亦無法喺父親生病時守候在旁,每次諗起患病父親就喊(據報之後喺議員幫助下出到去探病重父親);直至近日,佢父親不幸病逝,佢就向該報透露,佢雖然好傷心,但講明唔會放棄,要同「政權算帳」云云。囍雨想像唔到屋企人病重而不能守候、在旁照顧嘅「痛」,但剩係睇到呢啲文字,都覺得心酸。


大家睇到坐緊監嘅盧建民等人,或者會感到有啲唏噓,其實未面對刑責嘅,又何嘗好受呢?好多所謂「義士」無所畏懼嘅故仔,都只係啲人「營造出嚟」,例如之前學聯成員楊政賢講番喺羈留室嘅現況,有啲人一聽到告暴動罪,就不知所措同喊咗出嚟;另外又有傳聞話啲衝突案疑犯要「轉倉」,喺車入面望出去,唔知係咪突然好怕失去自由,一樣喊咗出嚟。呢啲故事話俾大家聽嘅,唔係咩「義士」有血有淚,而係一旦佢哋選擇咗抗爭甚至違法,要面對後果時唔係大義凜然,而係一個個為自己、為家人留下傷心嘅眼淚。


只能留下遺憾了


講番盧建民個Case,佢內心仲係咪如《生果報》所言咁堅定,囍雨唔知,但佢唔能夠陪父親走最後一段路,相信內心一定充滿遺憾;每次睇到啲親人離世而子女唔喺身邊嘅故事,囍雨好自然就會諗起「樹欲靜而風不息,子欲養而親不在」呢句話。喺呢度,囍雨再次奉勸各位年輕人,行動前,除咗諗自己,仲要諗下將你哋視如瑰寶、命根嘅家人,唔好做啲令自己後悔、令家人傷心嘅事 … 


原圖:RTHK

17
超無奈
11
唔係呀哇
13
無意見

評論

  • jthk
    jthk
    4年前
    0 回應 檢舉
    叫佢同現在街上,仍然未被拘捕的暴民講講佢自己感受啦!看他會不會反省,是自己錯抑或社會錯。
    • jthk
      jthk
      4年前
      0 回應 檢舉
      這些不肖子落淚也抵銷不了他的罪,相信他父親也可能是被他激死。任何父母臨終前知道自己子女被囚,都會死不暝目。一人做事一人當,祇可以怪自己蠢。

      沒有更多評論

      沒有更多評論