出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
背負着裝備 心懷着辛酸
背負着裝備 心懷着辛酸

近日有關警察、示威者嘅故事,囍雨已經寫過唔少,例如噚日囍雨就寫過,有警員帶隊去中上環衝突案嘅被捕人士屋企搜屋,被捕者父母傷心,被捕者自己都後悔到喊出嚟;今日,又有朋友同囍雨分享咗個警察故事,有人去警署探望啲警察時,聽見佢哋身懷重裝,長時間工作,日子非常唔容易過。囍雨覺得,警察們身上面,的確係孭住好重嘅裝備,而且要長時間執勤,但係最沉重同令佢哋最辛苦而且痛心嘅,係維護法紀仲要不斷受到攻擊、抹黑甚至滋擾。


身懷30磅重裝 飲水亦困難


喺朋友圈之間近日有人分享咗一個關於警察嘅故事,話說有人去警署探望啲警員,聽到佢哋每日準備工作嘅時間差唔多要15小時,有啲身上面孭住20、30磅嘅裝備,就算有市民送水俾佢哋都唔敢飲,因為喺重裝之下飲水、食嘢甚至去洗手間,都相當麻煩;有警察就同呢位探望人士講,佢哋嘅支持對警察而言非常重要,呢位人士就同警察講,每次睇新聞、電視見到佢哋咁辛苦,自己都喊過好多次。一次探望、交流,道出咗警察嘅辛勞,而囍雨就覺得,肉體上嘅疲累,其實遠遠不及警察面對無情攻擊甚至抺黑而產生嘅心酸、心痛感覺。


老實講,做得警察,就要維護社會法紀,就要竭力維持社會治安,就算環境幾惡劣都好,俗啲講句都要「頂硬上」;但令人始料不及嘅係,依家警察所面對嘅,唔係手持槍械嘅大賊,而係一個又一個佢哋所守護嘅市民或者示威者,呢班人既在肉體上攻擊警察,甚至連警察嘅心理、家人都唔放過,起底、攻訐、抹黑、滋擾樣樣齊,令警察身心都嚴重受創,呢種「痛」嘅感覺,肯定唔係旁人所能感受到,但香港警察依家就要日日面對呢種前所未有嘅困境。


打垮執法者 有誰得益?


依家網絡上流傳一種說法,就係要打垮政府,必須要先打垮警隊,所以無論係身體上嘅攻擊、網絡上嘅欺凌,基本上班反修例人士或者示威者一定會「一浪接一浪」;但囍雨要問一句,就算真係能夠「打垮」警隊(事實上無乜可能),對示威者以至香港,又有咩好處?唔通打擊警隊,少咗執法人員,香港嘅問題就會解決,社會「自然地」變得美好?唔好玩啦,警隊受到打擊,影響嘅係香港嘅秩序、治安,同埋大家嘅安全!示威者想「攬炒」,但香港人唔想囉!所以,顧己及人,唔該唔好搞維護緊社會秩序嘅執法者! 


原圖:Takungpao

69
支持
24
令人傷心
0
無意見

評論