出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
被觸動的警員
被觸動的警員

喺日前嘅中上環流血衝突,警方共拘捕咗49人,當中44人會被控暴動罪,囍雨今日喺網上見到一篇據報係喺拘捕行動中、帶隊去兩個被捕者屋企搜屋嘅警員心聲;呢位警員去被捕者屋企搜屋嘅時候,被捕者母親聲淚俱下同警員表示抱歉,其父親就直言子女被利用咗都唔知,仲話唔能夠將件事講俾被捕青年年屆八十嘅阿嫲知道,搞到被捕者喊起上嚟,果位警員都差啲忍唔住。其實被觸動嘅,絕對唔止呢位警員,其他香港市民見到有年輕人被捕、被告而可能前程盡毁,一樣感到心痛!

 

孩子 你令我好痛心

 

話說呢位警員去搜屋嘅時候,開頭仲以為被捕者嘅父母會盲撐被告,點知去到其中一個家庭,被捕者母親聲激俱下,同警員講「唔好意思阿Sir,辛苦晒」,仲同被捕者講「你令我好痛心,你知唔知自己咩前途都無晒」;至於被捕者嘅父親,除咗對警員表示支持之外,仲同被捕者講「你被人利用你知唔知」;搜完屋之後,被捕者問父親阿嫲知唔知佢被捕,佢父親就回應,「你阿嫲80歳啦,梗係唔可以俾佢知」,呢一刻被捕者開始喊,連果位帶隊嘅警員,都差啲忍唔住。

 

其實,對於年輕人被捕,除咗佢哋嘅父母傷心,警員都感到痛心之外,其他香港市民包括囍雨,一樣心痛;明明係一個又一個有大好前途、美好將來嘅後生仔女,但就因為出嚟示威、抗爭甚至涉嫌犯下嚴重罪行,一時之間由「天堂」跌落「地獄」,自己面臨刑責,家人心理亦受盡煎熬,講真果句,何苦呢?

 

政客請停止煽動

 

今日新聞報道話44人被告暴動罪,即係有40幾個家庭面臨相同困境,既傷心、又絕望;講到呢度,囍雨要問下果啲一直鼓動班年輕人出嚟抗爭嘅政客、媒體,依家一班後生仔俾人拉、俾人告喇,你哋仲覺得自己無問題?你哋對於不斷煽動年輕人嘅言行,有冇後悔?你哋係咪仲要繼續煽動啲年輕人,等更多年輕人被捕、被控告?倘若你哋還有一念之仁,就應該收手!

 

誠如上述嘅帶隊警員所言,呢一場係社會病毒,依家最重要係以平常心拯救未被煽惑嘅人;為着社會正確價值觀,大家不能退、不能避,必須守護好法治嘅最後一條底線,亦要守護社會道德的最後一道防線。


原圖:香港警察社交網頁

76
支持
175
令人傷心
10
無意見

評論

  • Real HKer
    Real HKer
    2週前
    0 回應
    例如6月12日的「六點半新聞報道」和「晚間新聞」,完全不播放及不提及:
    1. 警方違法棍打記者 2. 警方違法瞄準市民頭部發射布袋彈和橡膠子彈
    3. 在對方沒有主動襲擊下,警方違法向對方開槍
    4. 警方違法向市民投擲硬物
    5. 隻字不提一些市民向警方掟水樽垃圾等之前,警方在多處在沒有受到任何襲擊,提出任何警告下,違法突然向市民開槍,不斷發射催淚彈,布袋彈和橡膠子彈,導致局勢快速失控
    之後完全唔提包括兩退休警等多宗襲擊連儂牆人士及之前撐警藍絲邊爆粗邊拆毀悼念祭品等新聞, 誰是真正暴徒一目瞭然
    • Real HKer
      Real HKer
      2週前
      0 回應
      香港主流傳媒全部自我審查幾乎完全不提示威者被打或挑釁真實情況, 或只選擇性誇大報導部份不明來歷人士衝擊情況
      TVB在反送中的報導扭曲事相,報導嚴重偏袒警方和政府,袁及TVB故意令社會造成嚴重對立, 更已有青年因而發生家庭爭執而輕生事件, TVB絕對要負上主要責任, 袁更是間接殺人兇手, 咁既無良企業絕對要大力杯葛及譴責
      例如6月12日的「六點半新聞報道」和「晚間新聞」,完全不播放及不提及:
      1. 警方違法棍打記者
      2. 警方違法瞄準市民頭部發射布袋彈和橡膠子彈
      3. 在對方沒有主動襲擊下,警

      沒有更多評論

      沒有更多評論