出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
一個逃亡的故事
一個逃亡的故事

噚日囍雨寫文講過,一班喺7.1衝擊立法會後「逃」到台灣嘅示威者,一邊喺台灣唔知「留得幾耐」,一邊如果返香港就可能要面對審訊、刑責,可謂「為示威,斷終生」;呢篇文章出咗無耐,就有朋友分享咗一篇報道被囍雨,話有媒體訪問咗喺台灣「逃亡」嘅緊嘅示威者,標題更用上「逃亡義士:心灰意冷 已有準備回港受審」。睇完果篇報道,囍雨都覺得有啲唏噓,一個前途大好嘅年輕人,美其名係「流亡義士」,實際係「逃走疑犯」,佢哋就係因為示威、衝擊,令自己惶恐終日,下半生前程不明,吉凶難料。


心灰意冷 準備回港


有網媒特意派記者到台灣尋求「義士」,終於找到一位自稱阿Jack(化名)嘅示威者接受訪問,訪問都未正式開始,阿Jack就怕西門町人多,要求到貧民住宅區接受訪問;對於喺台灣嘅前程問題,原來阿Jack嘅簽證有效期得30日,隨住限期越嚟越近,都未被告知簽證延期安排,佢哋一班「逃亡」人士圈子裡面彌漫住不安,如果情況好似林榮基咁,即係無限「續簽」,一班「逃亡」人士開始感到台灣政府態度消極,就係唔想多理,甚至社交媒體都有來自台港社運界嘅冷言冷語,話台灣政府都要提防「共諜」,質疑難道要全部香港人都救。


對於無法自力更新、要受台灣團體接濟,又唔可以同香港「戰友」共同進退,阿Jack思鄉情緒日漸強烈,坦言心灰意冷,並且有心理準備返香港受審,仲話「坐完出嚟又一條好漢,好過成世唔見得光」;如果落機無俾人拉,就繼續上街示威,「個個禮拜出黎同佢哋打到死為止」。睇到呢度,大家有咩感覺,囍雨心入面就只有三個字嘅反應,就係「何必呢?」


惶恐不安 不如自首


睇完網媒呢篇關於「逃亡」台灣嘅示威者專訪,囍雨感受到,呢班去咗台灣嘅示威者,佢哋唔係「無畏無懼」,唔係唔怕要承擔罪責;相反,佢哋依家面對緊嘅,係一種好矛盾嘅心態,佢哋一邊驚要返香港接受審訊,但另一邊又開始思鄉。其實,本來佢哋完全唔需要面對呢種困境,甚至佢哋本來係對未來充滿寄望,就係因為示威、去衝,搞到自己陷入進退維谷、隨時面對刑責嘅困境。睇到呢度,囍雨真係想問下啲政客,如果佢哋知道班後生仔要衝,佢哋係咪都仲會煽動佢哋上街抗爭?惻隱之心,人皆有之,就算人哋唔係我哋嘅子女、子侄或者後輩,都唔應該再煽風點火,令年輕人失去自己嘅「未來」。 其實如果佢哋逃唔過良心責備,返香港自首亦未嘗唔係一件好事!


原圖:中通社
40
超無奈
48
好慘呀
66
無意見

評論

  • 鄭中桍
    鄭中桍
    3週前
    0 回應
    我真係屌你老母
    你地班垃圾見到社會出咗咁多問題都係要千方百計阻止人抗議抗爭
    如果你地班廢老做多啲
    如果個政制唔係積累咗啲問題咁耐
    佢地使衝擊?!然後再俾你班廢物冷嘲熱諷?
    • jthk
      jthk
      3週前
      0 回應
      出了香港才知自己是身在福中不知福!
      • jthk
        jthk
        3週前
        0 回應
        人哋台灣有土生土長的太陽花,由台獨總統支持。香港的是什麼花?外來勢力如何打入人家的政治勢力範圍?這不是擺明要跟太陽花搶資源嗎?

        沒有更多評論

        沒有更多評論