聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
陳浩天又出嚟宣「獨」?
陳浩天又出嚟宣「獨」?

《逃犯條例》修訂風波愈演愈烈,多多少少都因為一班政客不斷到外國「告洋狀」,有論者認為呢單嘢好明顯有外國勢力介入,但盲反派政客就聲稱修例「關外國事」,所以外國「關注」好正常。廣男今日睇新聞,就見到「獨」派政客陳浩天話要組團去日本大阪集會、遊行,趁大阪本周舉行G20峰會,抗議中國咁話。廣男睇真啲,原來呢個遊行係由「自由印太聯盟」主辦,而呢個「聯盟」集合唔同地方嘅反華甚至「獨立」勢力,陳浩天同佢哋一齊去抗議、集會,係咪又想借機宣「獨」呢?

 

自由印太聯盟是甚麼?

 

《逃犯條例》風波餘波未了,陳浩天日前就喺社交媒體話要趁住G20峰會,「組團去大阪,難波站集會,心齋橋遊行」,話今次活動由「自由印太聯盟」主辦,自己被邀請去參與,話「活動」除咗香港人仲要日本政界、維吾爾人、台灣人等,稱「聯同受中國威脅同逼害嘅國家同民族,一齊向中國示威」云云。睇完呢個Post,大家覺得重點喺邊?重點就係「自由印太聯盟」呢個組織喇!

 

廣男翻查新聞資料,呢個簡稱為FIPA嘅「自由印太聯盟」大約喺舊年成立,由日、台、印、越、內蒙等地方「獨」派代表組成,聲稱要聯合周邊地區「圍堵中國」,例如當中嘅所謂「南蒙古」代表席海明,就曾經揚言主張內蒙「自決」、結束中國「喺內蒙古嘅殖民統治」;其他地方「代表」,亦大致有一個共同特徵,就係極度「反華」!

 

說到底 都是宣「獨」

 

呢排香港正因為《逃犯條例》修訂而處於國際「風眼」,陳浩天一個月前都曾經發聲質疑條例修訂,稱修例會令國際社會認為香港自由程度「更差」,依家佢借住大阪舉行G20峰會聯同其他「獨」派去集會、遊行,表面係抗議中國,客觀效果就係借機喺外國宣「獨」。大家必須睇清楚,對於某啲政客,尤其係「獨」派政客而言,無論講到咩議題都好,佢哋去到最後都係宣「獨」。

 

近日廣男睇網上輿論,有人建議香港班政客或者示威者應該襯G20峰會前「做啲嘢」,等國際社會繼續「關注」香港;廣男就覺得,當一班人或者政客「樂此不疲」地喺外國面前唱衰香港或者中央政府時,呢班人點睇都似係想害香港多啲囉!


原圖: 文匯報

5
支持
5
好正
0
無意見

評論

  • Kwong Man
    Kwong Man
    3週前
    0 回應
    建議特區政府應該和中央制定緊急特區個臨時管理法。只要中央授權,香港實行緊急行政命令無需通過議會执行,可以出動防暴隊高強度鎖鎮壓,而家香港政府冇權乜嘢都冇得做。

    沒有更多評論

    沒有更多評論