聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
不法之徒可煽動襲警 但警方不能執法?
不法之徒可煽動襲警 但警方不能執法?

《逃犯條例》修訂本來今日喺立法會大會恢復二讀,但誓要阻止條例修訂嘅盲反派,就鼓動市民罷市、罷工、罷課,走上街頭反修例,當中有激進派人士更呼籲支持者出動包圍立法會,其中一啲訊息令人極度不安,包括「教人」點準備各種危險武器及武裝,用作攻擊警察,所以噚日警察喺金鐘執勤期間,都好緊張咁搜查可疑人士嘅隨身物品。但係,個別媒體、政客就好似連警察做嘢都唔俾咁,不斷質疑警察憑咩搜身,廣男實在唔明白,噚日、今日隨時發生衝突,警察嘅責任唔係防止罪案咩?佢哋唔主動搜查,唔通「企定定响度」,等罪案發生?

 

謠言滿天 警察行動

 

其實噚日已經有傳媒報道,有個別人士計劃喺噚晚發動包圍立法會,社交媒體、即時通訊軟件更流傳唔少訊息,當中包括教人點樣做「攻防裝備」甚至近身攻擊警察,廣男為咗等大家知道呢啲事件如果發生有幾嚴重,首先要喺度將小部分訊息Show俾大家睇:

 

Telegram 節錄:

 

攻防裝備

🔸製造木盾

🔸係龍和工程個d 膠板其實可以做盾

🔸鐵馬嘅棍

 

近身攻擊警察

🔸一人一支spray paint旁身or剃鬚膏

🔸用石灰粉

🔸有冇人玩過 火機加噴劑

🔸 繳械為主,同埋先攻白衫

🔸速龍無頭,要圍唔一定輸

🔸帶強力電筒射警察

🔸用汽球加水加油彩,10秒整一個

 

交通

🔸淋食油(路面)

🔸我記得美人魚教過水溝油,咁就會係大海放火都著

 

通訊

🔸航拍機(監察警察佈防)

🔸竊聽/干擾警察頻道

🔸加入警察通訊群/whatsapp Group

 

另有訊息如下:

 

請廣傳!!

🔥🔥🔥🔥留意🔥🔥🔥🔥

麻煩各位幫手宣傳

12號清晨號召大量車輛增塞

各區主要幹道

目標為青馬大橋、龍翔道

歡迎遍地開花

  • 堵塞青馬目的癱瘓機場出入
  • 令香港國際地位形象受損
  • 引起國際關注
  • 堵塞龍翔道目的
  • 癱瘓新界葵涌來往九龍
  • 時間大約清晨5點突襲警方
  • 避免時間過早被清場
  • 不要分享到社交平台❗⭐
  • 私人群組轉發❗⭐

🍙堵塞道路司機自備乾糧及飲用水🍙

 

大方向

主要目標係癱瘓香港交通 經濟

阻止會議進行

 

呼籲大家有車岀車

一部車死火好過20個人

人可以好易被清走 車佢地冇得清

用車 用人身 封馬路

50人左右可以消耗一批有裝備既警員

車輛死火至少半小時都清唔走

 

要帶大聲公lead一小群其他人

千祈唔好單獨人小既情況同警察硬碰

唔係要打警察係要避警察 要消耗警力

被人驅散左 要再上翻去馬路人

儘量以遊擊消耗警方力量

要有共識

 

唔好係佢安排好既區域發聲

要係影響到香港經濟嘅地方發聲

最好係銀行街同港交所街道

主要佔領到 核心交通道路就已經有談判籌碼

爭取足夠大既國際目光注意支持

 

後勤支援既送糧食 水等物資

時刻留意 群組睇佔領情況 更新所需物資再作支援

 

1. 單車(堵塞交通 建立領地

2.貨物(堵塞交通 建立領地)

膠帆布 等等佔領視野體積大既貨品

3.大聲公 /龍洲鼓 對講機

(引導其他未有共識既人群 提升士氣)

4.保護自己既裝備同武器

(唔係用於攻擊而係保護好自己)

 

好明顯,個別人士為咗反修例,教人「武裝」、「打警察」、放火、堵塞交通等,煽動違法方式「應有盡有」,喺呢個前提底下,警方都非常之緊張,喺金鐘地鐵站等地方作出搜查,包括截查可疑人士。警察明明係防止罪案發生,但個別媒體、政客就好似要指摘警方咁,其中公民黨立法會議員楊岳橋同民主黨立法會議員鄺俊宇,仲要走去同警察理論,好似要「盤問」番警察轉頭咁,睇到呢個場面,唔知真係以為盲反派政客先係「執法者」。

 

對於盲反派媒體、支持者而言,成件事當然係警察「錯」啦,有乜「理由」係咁截查啲人;但廣男想請大家理性啲看待呢件事,觀乎噚日情況,可以話係隨時「爆大鑊」,事實上今日已經有人喺金鐘堵路、掘磚,警察嘅職責,除咗有罪案發生時執法,佢哋仲要防止罪案發生,方法包括截查、搜查可疑人士。依家啲人質疑警方執法,如果退一步睇,警方唔早一步做嘢,到有事發生先Action,後果一定更嚴重!

 

體諒警察工作

 

坦白講,自從「佔中」、旺角暴動後,警察嘅警覺性已經高咗好多,如果佢哋再「有事發生」先諗點執法,只怕會重複旺角暴動時俾暴徒追打嘅結果;廣男認為,大家有政治訴求要表達,係可以理解嘅,但大家都應該諗下警察作為執法者,佢哋嘅工作就係維持秩序,若然有暴力衝擊甚至襲警事件再發生,唔單止警察、示威者可能會受傷,涉事者仲要負上刑責,真係「大家都輸」。所以,面對執法者,我哋唔應該剩係批評、指摘,而係要明白,對方都係做嘢,都係維持緊社會秩序!

原圖: RTHK 及 Whatsapp 截圖

 

22
支持
2
好正
2
無意見

評論