聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
楊岳橋 又嚟料?
楊岳橋 又嚟料?

政客為「吸引眼球」而老屈人呢家嘢,往往都係一不離二、二不離三,好似曾經話「案底令人生更精彩」、力挺「釘書釘」林子健嘅公民黨立法會議員楊岳橋,最近又有新搞作,佢喺評論近日兩宗汽油彈襲警事件時,就暗示事件係警方或者政府「自編自導自演」,搞到警察隊員佐級協會主席林志偉都公開批評佢。講真,楊岳橋暗示政府、警察「自己擲汽油彈」,佢有冇真憑實據?如果冇,咁擺明係老屈喎!


為油水 去到盡


對於一日內發生兩單汽油彈襲警或者毁壞警署事件,外界難免有唔同嘅猜測,但楊岳橋將「想像力」發揮到極致,竟然喺社交平台寫上「碧街事件2.0」、「個政府超級驚大家星期日出嚟遊行」、「三十年前舊招循環再用」、「原來學堂都有教掟燃燒彈」;言下之意,好明顯係想暗示政府或者警方「自編自導事件」。


如果楊岳橋有真憑實據,廣男呼籲佢將證據攞出嚟,否則就係抹黑、老屈!老實講,楊岳橋作為公民黨黨魁、立法會議員兼大律師,竟然講埋啲咁不負責任嘅說話,如果為咗吸引市民注意,或者想催谷更多人數上街而發表呢啲不實言論,廣男只能講句,楊岳橋既愧為立法會議員,亦愧為大律師,社會應該要譴責楊岳橋,而楊岳橋亦應該就不實言論向公眾道歉。


楊岳橋「往績」差!


老實講,素有「關鍵缺席」稱號嘅楊岳橋,「往績」一向都非常之「輝煌」,盲反派煽動違法但自己永遠唔「衝」,到啲後生仔被定罪、判刑嘅時候,楊岳橋竟然無恥到喺社交平台話「案底令人生更精彩」;民主黨成員林子健「自編自導自演」被內地人員擄走嘅故事,楊岳橋又企喺林子健一邊,話事件嚴重踐踏法治,結果呢?林子健因為虛報、誤導警務人員罪成,楊岳橋有冇出嚟公開交代、道歉呢?今次又發生楊岳橋無理抹黑他人事件,好符合楊岳橋嘅風格,但如果呢個就係公民黨嘅風格,廣男只能講一句,道德淪亡!


所謂凡事講求證據,公民黨好,楊岳橋也好,當所謂大律師基於政治需要而乜都講得出口,市民係咪要相信呢啲政客講嘅每一番說話,真係要諗清諗楚,唔係隨時比人Fake咗、利用咗都唔知咩事!


原圖: RTHK 


5
支持
4
好正
0
無意見

評論