「白宮聯署」有何意義?
「白宮聯署」有何意義?

盲反派呢排為反對《逃犯條例》修訂,發起唔同嘅網上聯署,除咗有騎劫「學校」名義搞嘅學界聯署之外,仲有喺「We the People」網頁發起嘅所謂「白宮聯署」,聲稱只要達到十萬人聯署,白宮就會對事件回應,據報聯署已經達到十萬人嘅「回應門檻」;廣男覺得好奇怪,香港修訂《逃犯條例》關外國咩事呢?點解盲反派三番四次要「告洋狀」搵外國干預香港內政?仲要今日有報道指出,「白宮聯署」網頁漏洞處處,質疑有「發水」、「冒簽」、「重覆簽名」等問題,盲反派到底有冇「造假」造到去美國,同樣值得深究!


漏洞多、一人可簽多次


有傳媒實測「白宮聯署」網頁,發現聯署系統問題多多,質疑聯署嘅可信性。原來聯署只需要提供簡單嘅資料(First Name、Last Name、Mail Address)就可以參與,有記者嘗試用新電郵和亂編嘅假名,喺唔需要認證身份嘅情況下,就收到成功聯署嘅確認電郵,就算之後再用同一電郵同名稱登錄,嘗試三次聯署都順利提交到。嘩!原來用一個電郵就可能可以做「無限次」聯署,全部人都可以不停投票,幫聯署人數「灌水」,好似無機制阻止「冒簽」和「亂簽」等行為咁,個聯署係咪真係咁有可信性呢?


聯署出賣香港利益


對於個聯署「漏洞多多」,大家當然可以質疑佢嘅可信性啦,而廣男自己觀察,2014年「佔中」前有人喺白宮網站搞聯署,廣男記得當時唔同人士喺社交媒體鋪地蓋地咁叫人去聯署,最後個聯署有近20萬人參與;今次聯署同樣過咗十萬人聯署嘅「回應門檻」,但奇就奇在今次上網好似見唔到有乜人為個聯署宣傳咁,但日前聽到有關消息,今日再睇個聯署就差唔多有十萬人參與喇,快到呢 … 到底係廣男睇新聞、消息唔夠多,定係個聯署有咩古怪,大家可以好好思考下!


另一個問題,廣男同樣覺得好奇怪嘅,就係之前中聯辦、中央表示支持港府修訂《逃犯條例》,班盲反派政客就嘈到拆天咁,好似自己國家嘅中央政府唔可以理會香港呢個特區咁;但調番轉,班盲反派政客又可以去美國講歪理「告洋狀」,叫人反對《逃犯條例》修訂,仲有人可以搞聯署叫美國白宮發聲,即係政客勾結外國就得,中央政府就不能關心特區,實在令人摸不著頭腦。講真,依家美國擺明打壓中國,香港有班人(包括部分海外華人)咁熱衷於叫美國介入香港,既然「煮到埋嚟」,美國唔借題發揮,就「對唔住」呢班人啦!


原圖:RTHK


7
支持
7
好正
3
無意見

評論