聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
人才濟濟民主黨 轉眼變成「爛仔黨」
人才濟濟民主黨 轉眼變成「爛仔黨」

噚日發咗一單關於民主黨、內容相當有趣嘅新聞。話說因為強搶女EO手機而被控告嘅民主黨中西區議員兼立法會議員許智峯,佢喺中西區區議會上發表聲明,話自己代表民主黨反對《逃犯條例》修訂,但就畀其他議員串佢,話佢黨籍已經畀民主黨凍結,質疑佢「盜用」民主黨招牌,搞到許智峯「無聲出」。呢單嘢除咗好笑之外,廣男數數手指,查實民主黨近年都有好多「出眾成員」架,當日嘅所謂精英黨,早已經化為「爛仔黨」,講落都覺得悲哀。


禮崩樂壞的政黨


許智峯之所以被控告、被凍結黨籍,全因為佢自己喺立法會強搶女EO手機,仲要攞人個電話入廁所「窺看」一番,之後民主黨明明講過短期內會紀律聆訊許智峯,但而家事件丟淡就不了了之。廣男覺得好奇怪,許智峯嘅粗暴手法,明明同民主黨「和平、理性、非暴力」嘅宗旨背道而馳,點解民主黨一直都包庇佢呢?直到最近,廣男終於知道點解喇,因為當佢哋嘅黨主席兼立法會議員胡志偉都可以喺立法會用極具侮辱性嘅言論辱罵特首,「黨內大哥」都咁粗鄙,啲「手下」粗暴又有咩問題,做乜要紀律聆訊佢呢?


數下數下,其實民主黨真係「人才濟濟」、無出其右,「激進派」有許智峯涉嫌搶嘢、襲擊,胡志偉嘅粗言粗暴;講犯法,又有誤導警務人員嘅「釘書健」林子健同喺「佔中案」罪成嘅李永達;講老屈、炒作,又有經常借唔同事件出風頭嘅林卓廷同尹兆堅;講「曳曳」,又有喺立法會睇性感女郎照片嘅前黨主席何俊仁(更加「曳曳」嘅陳家偉廣男就唔講啦);講埋「賣港」,仲有話過自己「有需要時做漢奸」,而家喺美國「告洋狀」嘅李柱銘。見到民主黨呢啲「人才」,廣男只能夠講句禮崩樂壞!


激進暴力有代價


老實講,民主黨越做越過界,表面上佢哋喺傳媒、市民面前「出晒風頭」,但廣男覺得佢哋係「贏粒糖,輸間廠」,事關民主黨今日喺立法會仲保得住幾個議席,多多少少都係因為有一班多年前已開始支持佢哋嘅溫和派選民;可以想像得到,喺民主黨日漸變成「爛仔黨」嘅情況下,部分溫和支持者分分鐘會離棄佢哋,而激進支持者或者啲所謂本土派支持者,又未必會投票畀佢哋,咁佢哋點選舉,保住現有議席甚至攞番多啲議席呢?佢哋之後會唔會繼續沉淪、「越做越頽」,大家就「吃住花生」睇下點啦!


原圖:Takungpao

5
嬲爆
0
超無奈
2
搞笑咩
3
無意見

評論