聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
選舉到了 林卓廷要「做騷」了
選舉到了 林卓廷要「做騷」了

今年係區議會選舉年,所有要喺今年年尾參選區議會嘅人,都係時候「加倍努力」工作;廣男日前睇到單新聞,就係身兼北區區議員嘅民主黨立法會議員林卓廷,早前就同佢「手足」陳旭明(同為北區區議員)擺街站,聲稱要反對喺粉嶺嘅屋苑附近設置蓮塘口岸嘅接駁巴士站,擔心粉嶺畀內地旅客影響到。但有趣嘅地方,係有網民發現林卓廷、陳旭明根本就從來冇「反對」過相關措施,佢哋而家出嚟「抽水」,做政治騷味道極濃呀!

 

林卓廷做騷 網民大踢爆

 

話說蓮塘口岸即將啟用,相關嘅交通安排當然會成為區議會以至社區嘅討論焦點,向來「那裡有水抽,就往那裡抽」嘅林卓廷,據報就聯同「手足」陳旭明上街「做騷」,話擔心口岸嘅接駁交通工具喺粉嶺設站,旅客會對居民生活造成滋擾,狀似非常「關心」粉嶺居民。但諷刺嘅係,有網民喺網上面踢爆佢哋,話佢哋喺區議會甚至立法會基本上都冇反對過有關安排,而家出嚟「抽水」,擺明係因為「選舉到了」。

 

廣男素來有求真精神,於是根據報道講嘅資料,搵番相關區議會紀綠嚟睇啦,結果發現,喺兩個有講過相關安排嘅區議會會議入面,其中一次會議林卓廷剩係關心過「上水交通」、同「水貨問題」,完全無提過粉嶺,陳旭明就無出聲;而係另一次會議(北區巴士及小巴服務工作小組),陳旭明直頭缺席添。唉,政客「抽水」,大家都明嘅,但係林卓廷同陳旭明就算要「抽水」,最起碼都應該喺區議會「做下戲」,扮下反對接駁交通工具駛經粉嶺先嘛!

 

劣跡斑斑的政客

 

發生林卓廷「抽水」反而畀人「將一軍」嘅新聞,廣男覺得一啲都唔出奇,事關佢都唔係第一次,例如佢當年參選區議會,聲稱要「做返好上水」、處理水貨客問題,結果大家都見唔到成效,剩係記得佢爭取過搬走電話亭;2015年尾當選為北區區議員嘅林卓廷,一直「低調行事」,等到2019年頭,即係到番選舉年先嚟搞「反水貨遊行」,真係幾「有心」!老實講,政客做嘢懶,都算啦,做嘢懶仲要扮到好「做到嘢」咁,先至乞人憎嘛;諗諗下,林卓廷嘅前黨友話佢「人格卑劣,毫無政治道德」,都真係幾有道理。 


原圖:大公報

7
嬲爆
2
超無奈
1
無意見

評論