出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
「扮開會」的盲反派議員 囍雨
「扮開會」的盲反派議員 囍雨

盲反派反對《逃犯條例》修訂,呢樣嘢就人盡皆知喇,但囍雨估唔到,盲反派為咗反對修例,噚日竟然喺秘書處宣布會議改期、無會開嘅情況下,喺立法會「集會」扮開會,仲「選出」民主黨涂謹申、公民黨郭榮鏗做法案委員會嘅「正副主席」。囍雨就喺度諗,如果盲反派可以「圍埋傾計」當係真嘅立法會會議,然後選番自己人做法案委員會主席、副主席,咁盲反派咪可以直接自己選埋涂謹申做「立法會主席」?都唔知好嬲定好笑。

 

傾計開會

 

噚日本來召開《逃犯條例》法案委員會會議,但新任會議主持石禮謙以至立法會秘書處,都宣布咗無會開喇,唔知一班盲反派到底盤算緊啲乜,竟然自己走去會議廳「扮開會」,然後自己又「選出」涂謹申同郭榮鏗做委員會嘅「正副主席」,仲通過要求政府撤回草案的議案,兼決定喺本周六朝早開會。呢單盲反派「扮開會」事件,可以話係創咗香港議會史嘅「先河」,議員自己圍埋傾計當「立法會會議」,仲要講到似層層咁款!

 

大家諗下,如果盲反派自己圍埋傾計可以當係「立法會會議」,咁佢哋唔單止可以要求政府撤回草案,佢哋其實可以選埋涂謹申做立法會主席,甚至提出兼通過埋有「公民提名」嘅普選議案都得喎!今次呢場「扮開會」嘅鬧劇,可以話係令成個立法會蒙羞,原來一班高薪厚祿嘅立法會議員,竟然無聊到,喺度「扮開會」、「扮選正副主席」、「扮提出同通過議案」,計囍雨話齋,呢班政客係喺市民面前「扮有做嘢」先真。

 

涂謹申要報警?

 

話說回來,盲反派噚日扮完「開會」,涂謹申仲公開講,話嚟緊星期六有人阻佢主持會議,佢或者會「報警」、執行議事規則云云。如果涂謹申真係當咗自己係主席、有權執行議事規則,囍雨實在懷疑,佢仲有冇能力執行立法會議員嘅職務。當大家以為盲反派「拉布」、拖延會議好過份嘅時候,原來佢哋已經「更進一步」,進入「幻覺」嘅狀態,真係主席撤回咗《逃犯條例》㖭睇嚟囍雨真係要寫個「服」字送畀佢哋。

 原圖: RTHK

2
支持
9
好正
0
無意見

評論