出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
與戴耀廷談法治 才是夏蟲語冰
與戴耀廷談法治 才是夏蟲語冰

中聯辦主任王志民喺一個活動上面強調違法佔領案嘅判決彰顯法治精神,被法庭裁定罪成嘅違法佔領發起人戴耀廷就喺社交平台回應有關言論,稱「對沒有憲政意識的人,與他們談公民抗命爭民主,只是夏蟲語冰」;囍雨就覺得,戴耀廷作為港大法律學者,但假借「公民抗命」之名犯法,仲要唔認罪想「走數」,同戴耀廷呢啲政棍講法治,先係真正嘅「夏蟲語冰」!

 

王志民言之有理

 

王志民噚日喺第二屆 「全民國家安全教育日香港研討會」致辭,表示2014年嘅違法佔領行動,波及百萬香港市民,帶來嘅法治之痛、民生之痛、社會之痛等,法庭對佔領案嘅重要判決,彰顯法治精神,對違法佔領畫出咗紅線;另外,王志民亦提到,一啲別有用心嘅國家想通過打香港牌,遏制中國,但香港就有極少數人同反華政客同組織一齊,密會、座談,極力唱衰香港。囍雨就覺得,王志民嘅一番說話完全切中要點,有人犯法並且破壞到香港,就應該受到法律制裁。

 

對於戴耀廷喺社交平台以「夏蟲語冰」回應王志民一番說話,囍雨覺得同戴耀廷迴避法治問題,同佢講道理先至係「夏蟲語冰」!第一,王志民而家講緊法治問題,戴耀廷要回應,點解唔回應下自己做乜犯法、做乜唔認罪「找數」呢?第二,「公民抗命」係要非暴力、冇造成過量破壞兼要承擔罪責,戴耀廷所煽動嘅違法佔領當中一樣嘢都做唔到,仲好意思講「公民抗命」?

 

想改善政制 就可以為所欲為?

 

至於戴耀廷所講嘅「憲制意識」問題,囍雨又有其他疑問喇;囍雨知道戴耀廷係研究憲制、憲法嘅學者,「憲制意識」比其他人「強」係正常嘅。但係,有「憲制意識」,係咪就可以為咗憲制問題或者改善政制而為何欲為,包括犯法,仲要一邊話自己「公民抗命」、一邊又唔認罪「找數」呢?戴耀廷等盲反派政客近日歪理盡出,但佢哋點解唔講多啲自己做乜唔「找數」呢?犯法故然可恨,犯法完唔認罪仲想諉過於他人,更可恨!

 

近日,無論係戴耀廷、其他盲反派政客以至媒體都開盡Turbo為佔領九犯「護航」,但囍雨覺得講到底都係同一個問題,就係有犯法,就要負上法律責任,有政治訴求,唔係犯法理由;所謂「民主派」,亦唔係可以為非作歹嘅「免死招牌」。


原圖: 大公報

5
支持
5
好正
0
無意見

評論