聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
用議案「送禮」 盲反派真絕!
用議案「送禮」 盲反派真絕!

之前公民黨立法會議員楊岳橋打算喺議會提出有關「檢討單程證政策」嘅動議,但因為動議果時自己「喺房睇緊電視」,搞到個動議「自動流產」討論唔到,畀人恥笑佢所謂議會「關鍵一席」,原來係「關鍵缺席」先真!可能公民黨好想幫楊岳橋補鑊,所以佢黨友郭榮鏗將自己抽中嘅辯論時段送畀楊岳橋,畀機會楊岳橋喺議會Show Off。廣男就喺度諗,乜原來提出議案或者辯論嘅機會,可以用嚟咁「送禮」?同埋楊岳橋所提嘅已經唔係原來嘅議案,有「補到鑊」咩?

 

公民黨鬆章助楊岳橋補鑊

 

楊岳橋作為公民黨嘅「明日之星」,之前因為自己喺辦公室睇電視直播唔記得開會而搞到自己議案討論唔到,畀人笑到面都黃,笑佢嘅仲有唔少係盲反派Fans,鬧佢選立法會果時又話自己要守住議會「關鍵一席」,原來係「關鍵缺席」先真,有啲仲話以後都唔會支持佢。所以今次公民黨以至郭榮鏗「鬆晒章」畀佢,都係有原因嘅!

 

不過,廣男就覺得咁做可能有啲問題喇,因為郭榮鏗同楊岳橋雖然都係公民黨立法會議員,但郭榮鏗係法律界、即係功能組別議員,佢作為代表法律業界嘅立法會議員,好不容易先抽到個動議辯論嘅機會,就咁讓番畀楊岳橋做騷,問過法律界朋友未先?至於楊岳橋,佢之前想提有關單程證嘅議案,基本上都畀范國威「截胡」提咗喇,佢仲有咩鑊可以補?廣男真係睇唔透。

 

香港不需要「Facebook議員」

 

老實講,楊岳橋咁做,廣男真係唔覺得係咩補鑊,如果佢有心改過,最好方法應該係佢開多啲會、少啲缺席,認認真真議事。喺楊岳橋唔記得開會呢單嘢發生之後,雖然佢已經公開向市民道歉,但有一針見血嘅網民就講明,楊岳橋玩Facebook、IG係好叻,但不時喺啲重要議案,都見到佢有份缺席,令人頗為失望。所以呢,楊岳橋與其要補咩鑊,不如做番好自己仲好啦,市民眼睛係雪亮嘅!


原圖:RTHK

10
搞笑咩
4
唔係呀哇
0
無意見

評論