出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
【精選文章】盲反派係為香港?定係賣香港?
【精選文章】盲反派係為香港?定係賣香港?

美國國務院發表人權報告,提及到香港人權狀況,不過內容似乎就不盡不實,因為無論係「港獨」、盲反派政客暴力衝擊、違法佔領等事件,美國都「視為」與人權、自由有關,砌香港生豬肉嘅意味都幾重下;而喺呢個敏感時刻,就有傳媒報道前政務司司長陳方安生、公民黨立法會議員郭榮鏗以及專業議政立法會議員莫乃光,將會到訪美國同負責《美國 – 香港政策法》嘅官員等會面,郭榮鏗受訪時仲揚言「唔放棄」香港。囍雨諗,呢班盲反派成日去外國唱衰香港,到底係為香港?定係賣香港先?

 

美提升港問題至國策面?

 

根據傳媒報道,今次陳方安生、郭榮鏗同莫乃光三人赴美,美方接待人員規格明顯比上次郭榮鏗訪美高,郭榮鏗認為咁係反映美國政府已經將香港問題提升至國策層面,華府短期內可能發出正式文件,交代對港政策立場有變,郭榮鏗仲話「個人對美國對港政策前景感悲觀,強調港府不能再迴避問題」。囍雨就有個疑問,呢班人去美國,表面為香港,幫香港說項,但實質又係咪咁呢?

 

道理其實好簡單,諸如郭榮鏗等盲反派人士,雖然口口聲聲話要求美國唔好輕易改變《美國 – 香港政策法》,但呢班政客到底同美國相關人士講咩呢?例如港府禁止「香港民族黨」運作,佢哋係咪企喺政府呢邊反「港獨」?又或者喺「雙學三人」案或者違法佔領案入面,佢哋係支持政府執法定係話政府政治檢控呢?如果美國國務院最近嘅人權報告有吸納到盲反派嘅意見,咁盲反派幾可肯定係唱衰香港多過幫香港(另一邊廂,英國國會有關人權狀況嘅報告,基本上係全盤吸納香港盲反派嘅意見)。

 

一邊鬧、一邊撐咁矛盾?

 

囍雨有個合理推斷,如果盲反派班政客一邊話港府甚至中央呢樣唔啱、果樣唔啱,但另一邊廂又叫美國唔好改變對香港政策繼而話自己幫香港,囍雨就覺得相當矛盾喇;情況就等同A君一邊同人講B君「有幾衰」,但一邊又同人講叫人唔好對B君有負面想法或者針對佢,感覺好似有啲精神分裂咁。喺中美貿易戰嘅陰霾下,美國或者就要借香港呢個特區嚟對付中央政府,呢班盲反派仲「好認真」咁去美國,以為人哋高規格接待佢哋、當佢哋係貴賓;但其實,係咪有人想利用呢班盲反派政客嘅說話,去搵一個明正言順針對香港甚至中央嘅藉口炸?前官員喎,議員喎!


原圖:RTHK

9
嬲爆
2
唔係呀哇
0
無意見

評論

  • Andy Ho
    Andy Ho
    3天前
    0 回應
    我深信隻角永鏗和摸奶肛是禍港多一些。

    沒有更多評論

    沒有更多評論