出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
判案前向佔領疑犯「致敬」 想玩咩?
判案前向佔領疑犯「致敬」 想玩咩?

佔領九疑犯案將會喺四月頭判決,當唔少人都希望一班主事者會得到應有結果嘅時候,盲反派網媒D100竟然準備搞個「向佔中三子致敬交流會」,睇個勢似係想喺案件宣判前為班被告「集會」。但囍雨覺得好奇怪,一單將會喺法庭宣判嘅案件,竟然有人預備搞集會「聲援」佢哋,會唔會有借此引起公眾關注,間接向法庭施壓之嫌呢?


交流會向佔領疑犯「致敬」?


老實講,佔領九疑犯會唔會被入罪,最應該交畀法庭去處理,班疑犯一早講明自己違法而唔「找數」固然唔應該,但搞集會或者交流會去撐佢哋,因為咁樣分分鐘變咗係向法庭施壓,尤其係個交流會話係向「佔中三子致敬」,係咪想講佢哋無做錯,甚至無犯法先,所以要向佢哋「致敬」?


講開「佔中三子」(囍雨比較喜歡用違法佔領疑犯),佢哋喺2013年開始就喺度煽動違法佔領,仲聲稱自己係「公民抗命」,之後會自首、承擔罪責以完成「公民抗命」最後一步,並以此感召更多人。事情發展到今日,呢班被告唔單止無認罪「找數」,一個個想「走數」之餘,戴耀廷之流甚至以「威權法治」、「威權法庭」等字眼詆毀番法庭轉頭,囍雨覺得佢哋完全無地方值得其他人致敬!


D100意欲何為


值得留意嘅,係D100呢個所謂交流會,唔係平時啲免費畀市民或者支持者出席嘅活動,而係一個每位參加者要收100元嘅活動;囍雨覺得呢點亦都好奇怪,一個向人家「致敬」嘅交流會,做咩要收人錢?囍雨唔敢講話D100借此斂財,不過盲反派搞集會、交流會而要「收錢」,確實「罕見」。點講都好,喺呢個敏感時刻搞交流會向佔領疑犯致敬,佢哋到底係想借機向法庭施壓,還是係純粹搞下政治活動吸引下注意,定係同佔領疑犯「道別」,真係得佢哋自己知! 


原圖:D100 facebook

15
嬲爆
6
唔係呀哇
2
無意見

評論

  • Andy Ho
    Andy Ho
    2月前
    0 回應
    我認為佔中三屎是要向髮亭施壓。

    沒有更多評論

    沒有更多評論