聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
吳文遠被指不誠實 仲好意思屈人?
吳文遠被指不誠實 仲好意思屈人?

對於吳文遠就掟三文治案上訴得直,廣男都已經寫過佢「脫罪」係因為法律、技術問題,因為法官講明佢嘅行為對梁振英構成襲擊,佢上訴得直算係執番一身彩;但佢完全冇悔意之餘,仲喺度「耀武揚威」,撰文稱「惟一合理的推論,便是律政司不希望梁振英上庭」,仲話「律政司會否是因為梁先生的特首身份而有所遷就,還是擔心閣下在庭上作供是否『真誠可靠』而有所避忌,那就不得而知」,廣男真係忍唔住要講多次,唔誠實、唔可靠果個係你先真喎!


檢控當局無需要避免梁振英上庭


對於吳文遠講一炸嘢,然後話自己「合理推論」律政司就係希望唔需要梁振英上庭,廣男只係想講,其實喺吳文遠掟三文治案發生之前,梁振英已經就過黃毓民掟杯案上庭,而作供時間仲十分長,檢控當局喺明知梁振英會配合調查、審訊嘅情況下,根本無必要避免梁振英上庭。


至於吳文遠話「律政司會否是因為梁先生的特首身份而有所遷就,還是擔心閣下在庭上作供是否『真誠可靠』而有所避忌,那就不得而知」,廣男就覺得更加可笑,因為睇番高院份判案書,法官引用過裁判官說法,裡面指出梁振英係誠實、可靠嘅證人,相反吳文遠就唔誠實、唔可靠。一個畀法官或者裁判官斥為唔誠實證人嘅被告,反口質疑其他人係咪「真誠可靠」,真係一大笑話!


此案不能作罷


廣男每次見到吳文遠個「串樣」,仲要係完全唔覺自己有錯嘅樣子,廣男就越覺得深深不忿,一個擺明有襲擊他人嘅人,竟然因為受襲警察唔知有冇「憂慮」同唔知係咪佢自己「擋」走份三文治而脫罪;廣男要喺度Recap一下,希望律政司慎重審視有關案件,睇下需唔需要上訴,令法治得以彰顯,令有「襲擊」嘅人得到佢「應得」嘅結果!


原圖:RTHK

11
嬲爆
5
搞笑咩
1
無意見

評論