出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
尹兆堅曲解民意 誣蔑政府「屈市民」?
尹兆堅曲解民意 誣蔑政府「屈市民」?

噚日政府開記者會,宣布全盤接納土地供應專責小組報告,包括先研究喺交椅洲人工島填海1000公傾,餘下700公頃嘅喜靈洲填海計劃,就會先諮詢再落實。曾向傳媒表示今次政府決定係民意上「小勝利」嘅民主黨立法會議員尹兆堅, 又再批評政府唔肯撤回明日大嶼計劃,擺明係屈市民,唔理民意反對咁話。囍雨又想商榷下,市民係咪真係反對明日大嶼或者東大嶼計劃呢?似乎唔係咁喎!


市民支持填海 民意明顯


據報,尹兆堅批評政府堅持填海係「打茅波」,稱小組諮詢明明係講1,000公頃,但《施政報告》又講1,700公頃,而家仲唔肯撤回明日大嶼計劃,擺明「屈市民」,唔理市民反對咁話。如果囍雨無理解錯,無論叫明日大嶼好,東大嶼計劃都好,尹兆堅都係想講市民係反對填海嘅,但呢個係咪真係民意呢?


睇番資料,喺相關小組嘅最終報告,引述數據果時指出問卷同電話訪問入面,分別有62%同58%受訪者支持東大嶼填海,另外意見書入面就有超過九成反對東大嶼填海。表面睇嚟,有過九成意見書反對填海,民意「好似」好明顯咁,但事實係,意見書係「質化」意見,唔一定代表到整體民意;相反,由中大幫小組做嘅電話訪問,就係用隨機抽樣形式進行,再以人口分布等「加權」處理,撇除有小幅度誤差之外,過半市民支持東大嶼填海嘅結果肯定較貼近民意,尹兆堅話政府唔理市民反對、「屈市民」,此話何解呢?定係佢有其他有力數據支持自己講法?


尹兆堅讀社會科學出身?


近六成人支持喺大嶼山填海造地建屋,可以話係民意昭昭,因為香港社會亟需解決土地房屋問題,填海可以喺中長期可以解決土地荒,處理好難上樓、捱貴租嘅問題,呢啲先至係真正民意;背後有唔少有血有淚嘅故事,亦有無盡基層嘅辛酸。所以,請尹兆堅等政客唔好逆民意而行,做損害市民福祉嘅事。


原圖:RTHK

7
嬲爆
3
超無奈
0
無意見

評論