出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
煽動他人辱國歌 香港眾志教壞人
煽動他人辱國歌 香港眾志教壞人

盲反派每年都會喺維園擺檔籌錢,基本上佢哋咁多年嚟嘅套路,就係靠賣一啲反政府甚至反中央嘅產品,吸引盲反派支持者畀錢;本來呢啲行為大家都見慣不怪,盲反派都係人,都係「搵食」啫!不過,囍雨見到有報道話「香港眾志」喺維園推宵產品嘅時候,主席林朗彥、常委鄭家朗等人竟然喺度唱竄改過嘅國歌,仲有「眾志」成員聲稱跟住佢哋唱買嘢有「折扣優惠」;言下之意,即係香港眾志要喺政府安排嘅公眾地方擺檔,煽動人侮辱國歌喇喎?


未立法 先「試法」


「香港眾志」之所以咁高調喺政府場地唱竄改過嘅國歌,當中原因肯定包括《國歌法》而家未立法,佢哋就係趁住呢個法律真空期,喺正式立法前「盡情侮辱國歌」;囍雨就覺得,「眾志」當眾侮辱國歌故然唔要得,但佢哋更令人不屑嘅地方,係佢哋竟然想叫行過嘅人唱埋一份,仲話跟住唱買嘢有「折扣優惠」,即係而家擺明喺政府場地侮辱番政府甚至國家,兼且想教壞其他人學佢哋,認真過份!


事實上,「眾志」除咗唱竄改過嘅國歌,佢哋喺維園售賣嘅其中一種產品,就叫「『呢首係禁歌』紙膠帶」,入面將原來國歌歌詞改咗,變成有貶低國家成分嘅語句,仲講到明內容係大家耳熟能詳嘅「改版國歌」;換言之,佢哋係一邊賣侮辱國歌嘅產品,一邊喺維園唱,仲要一邊喺維園煽動其他人同佢哋一齊侮辱國歌。維園年宵作為一個公眾地方,唔知啲家長、年輕人見到有人公然「預先」示範點樣侮辱國歌,有咩睇法呢?咁搞法,維園第時有會唔會變成一個「違法達義」嘅示範場?


宣傳品被禁印有「眾志」標誌


另外,「眾志」喺年網上面聲稱,佢哋喺做一個布袋嘅時候,因為原設計圖有「香港眾志」標誌被拒印,「被迫」改設計、刪去「香港眾志」標誌先成功製作有關產品,稱香港表達自由「收窄」、打壓嚴重云云。其實呢,「香港眾志」作為一個擺明Sell「自決」甚至「港獨」嘅組織,基本上係想分裂國家,憑咩要內地嘅廠房一定要幫你哋印嘢呢?咁崇洋媚外,下次不如考慮下攞去日本或者美國印呀嘛,反正「眾志」咁唔鍾意內地,大家話係唔係?


原圖:香港眾志Facebook

22
嬲爆
5
驚訝
0
無意見

評論