出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
「癲鴿峯」示威抗議默劇有嘈音,傻的嗎?
「癲鴿峯」示威抗議默劇有嘈音,傻的嗎?

搶手機、涉嫌偷電、議會暴力、違泊、縱容助理撕毀請願信;以上幾宗罪,大家聯想起邊個?咪就係嗰個有「癲鴿峯」之稱嘅民主黨立法會議員許智峯囉!呢個惡行罄竹難書嘅政客,近日又有新搞作;話說本身同時係中西區區議員嘅佢,疑似想喺今年區議會選舉年爭曝光,前排聯同黨友兼同樣係中西區區議員嘅吳兆康去到大館示威,抗議該處嘅表演發出噪音。抗議唔係問題,但原來「癲鴿峯」拉隊去示威嘅時候,大館嘅表演係「默劇」囉,唔係咁好笑呀?


「癲鴿峯」抗議默劇有噪音


講真,相信唔少讀者都未必太清楚大館係乜嚟,喺度不妨簡單介結下啦。所謂大館,即係即舊中區警署,係法定建築,而家已經被活化為藝術館同表演場地,大家有興趣就自己去睇睇啦。講返「癲鴿峯」,呢個政客聲稱有部分居民不滿大館嘅表演發出「噪音」,於是要搵隊去抗議;先唔好講「癲鴿峯」咁做合唔合理,抗議係唔係都應該搵個合適對象嚟抗議呢?投訴「噪音」的話,至少都搵場搖滾樂表演先去抗議吖,咁先合情合理嘛,但「癲鴿峯」竟然選擇去搵場「默劇」嚟抗議,會唔會搞笑咗啲呀?


據報道,當日「癲鴿峯」拉隊去到大館現場,當日撞啱係本地藝團「綠葉劇團」演出,演出由晚上八點左右開始,全長亦不過係四十五分鐘;而最好笑係,「綠葉劇團」頭半場表演係「默劇」,即係話表演者完全唔出聲,只係用身體或者肢體動作去演戲,更就算去到後半部份,劇團表演亦完全冇用過擴音器,根本談不上乜嘢「噪音」。最諷刺嘅係,「癲鴿峯」一行唔係係因為「面懵」定「惱羞成怒」,去到現場睇到咁環境竟然仲堅持示威,而且仲用埋擴音器抗議,抗議聲浪仲大過場表演,真係唔知好嬲定好笑!


「癲鴿峯」抗議不是為解決問題


查實呀,因應所謂「噪音」問題,大館已經調動過部份表演時間、搵專業人士調校擴音器角度,藉以減低聲浪,不過民主黨上下仲係唔滿意,認為「情況仍然不理想」,故此要「為民請命」去大館示威抗議喎。其實單睇呢點,市民其實已經完全見到「癲鴿峯」一行「為反而反」嘅特性,既然大館都已經積極配合啦,咁有問題咪繼續反映囉,大館點會唔肯坐低繼續傾先?但「癲鴿峯」唔理三七廿一,示咗威先,解唔解決問題都好,抗議咗先,乜原來咁會幫到件事架?


示威、抗議,真正目的係解決問題;從上述呢件事就可以睇到,「癲鴿峯」同民主黨根本冇心去解決任何問題,佢哋只係想做SHOW、想詐騙市民自己「有做嘢」,若果唔係咁,佢哋又點會搞笑到「向默劇示威」先?市民想解決民生問題,民主黨同「癲鴿峯」就只係想將問題無限放大,而從來提供唔到解決方法,大家到底諗清楚未架?真係要繼續支持呢種政客?


圖片來源:香港電台即時新聞

13
搞笑咩
1
無意見
0
唔係呀哇
2
驚訝

評論