出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
【精選文章】郭家麒的「創作力量同幻想」
【精選文章】郭家麒的「創作力量同幻想」

曾幾何時,公民黨被喻為「精英黨」,啲成員好似高人一等咁,黨員唔少都係專業人士包括律師、醫生甚至連飛機師都好;但再鋒利嘅刀,始終都有生銹嘅一日,就睇最近佢哋嘅黨魁楊岳橋喺立法會提議案但缺席「甩轆」,畀人插到上天,大家從網上輿論都見到,大家已經唔係好似以前咁支持公民黨。今日,囍雨睇新聞,見到公民黨嘅立法會議員郭家麒就寫文,話國家財政有問題,得番香港呢隻「金蛋」,暗示填海計劃係向中方輸送利益。囍雨只係想問一句,郭家麒嘅「創作力量同幻想」,會唔會太嚇人呢?


換個角度看填海


郭家麒篇文點寫法,囍雨就唔喺度引述喇,大家有興趣可以上番《生果報》欣賞下,囍雨只能用「聯想當係真」嚟形容佢文章;囍雨反而喺度諗,如果一個建屋造地計劃可以畀盲反派扭曲成咁,囍雨都想依照盲反派嘅套路,「推論」一個故事出嚟:


自從「違法佔領」後,盲反派尤其係主流盲反派越嚟越唔得民心,想炒作「一地兩檢」失敗,想炒作「UGL事件」又失敗,甚至最近想炒起《國歌法》都冇乜人理,搞遊行、集會又越嚟越少人參與,佢哋可以話係跌入「民主運動」嘅新低點。喺佢哋眼前,唯一仲可以炒作下嘅議題,就係房屋土地問題,如果政府真係能夠填海造地,解決香港積壓多時嘅房屋問題,盲反派就連再炒作嘅空間都冇。所以唯今之計,盲反派一定要盡力反對政府填海或者其他造地計劃,否則當房屋問題解決好,盲反派就可以「辭官歸故里」。


房屋問題解決 盲反派就失去「價值」


誠如中原集團創辦人施永青所言,填海除會影響地產商利益外,亦會令販賣「為民請命」形象的反對派政客,隨著房屋問題得到解決而失去價值。當盲反派咁努力反對填海計劃嘅時候,大家真係問下諸如郭家麒嘅盲反派人士,佢哋一直要求政府解決房屋問題,如今政府果敢地提出計劃,佢哋做乜要反對呢?如果話係因為錢嘅問題,佢哋作為「立法會議員」,連填海賣地有錢收都唔知,剩係識誤導市民話填海等於「倒錢落海」?盲反派越嚟越得唔到市民支持,其實真係有原因嘅!


圖片來源:RTHK

1
嬲爆
0
點算呀
5
唔係呀哇

評論